Click it and Unblock the Notifications
യമുനാനദിക്കരയില് സ്ഥിതിചെയ്യുന്ന ഈ കോട്ട ഇന്ന് പൂര്വ്വ പ്രതാപം കൈമോശം വന്ന് ജീര്ണ്ണതയുടെ പിടിയിലാണ്. ഒരിയ്ക്കലിത് ദ്വാരകയുടെ അധിപനും ശ്രീകൃഷ്ണന്റെ അമ്മാവനുമായ കംസന്റെ ശക്തിദുര്ഗ്ഗമായിരുന്നു.
വളരെ വിസ്തൃതമായ പ്രദേശത്ത് വിലങ്ങനെ നിലകൊള്ളുന്ന ഈ കോട്ടയ്ക്ക് കരുത്താര്ന്ന കോട്ടഭിത്തികളുണ്ട്. വിവിധങ്ങളായ സംസ്ക്കാരങ്ങളെ പ്രതിനിധാനം ചെയ്യുന്ന ഒരുപാട് ഭരണകര്ത്താക്കള് ഈ കോട്ടയെ തലോടി കടന്ന് പോയിട്ടുണ്ട്. ഇതിന്റെ ഘടനയില് പ്രതിഫലിക്കുന്ന ഹിന്ദു-മുസ്ലിം വാസ്തുശൈലിയുടെ സമന്വയം അതിന് തെളിവാണ്.
ഇന്ന് അജ്മീര് എന്നറിയപ്പെടുന്ന അംബറിലെ രാജാ മാന് സിങ് പതിനാറാം നൂറ്റാണ്ടില് ഈ കോട്ട പുതുക്കിപ്പണിയുകയുണ്ടായി. ജയ്പൂര് മഹാരാജാവായ സവായ് ജയ് സിങ് ഈ കോട്ടയില് ഒരു വാനനിരീക്ഷണാലയം പില്ക്കാലത്ത് സ്ഥാപിച്ചു. നിപുണനായ ഒരു ജ്യോതിശാസ്ത്രജ്ഞന് കൂടിയായിരുന്നു ജയ് സിങ്. നിരീക്ഷണാലയത്തിന്റെ ഒരു സൂചനയും ഇന്നിവിടെ കാണാനില്ല.
