Click it and Unblock the Notifications
അരുണാചല് പ്രദേശിന്റെ തെക്ക്-കിഴക്ക് ഭാഗത്തായി ചാങ് ലാങ് ജില്ലയിലാണ് ജയ് രാംപൂര് പട്ടണം. ജില്ലയുടെ ഭരണനിര്വ്വഹണ കാര്യാലയങ്ങള് (ADC) സ്ഥിതിചെയ്യുന്ന ഈ പട്ടണം ഇന്തോ-മ്യാന്മര് അതിര്ത്തിയോട് ചേര്ന്നുള്ള നംചിക് നദീതടത്തിലാണ് സ്ഥിതിചെയ്യുന്നത്. വളരെ വിസ്തൃതിയില് വ്യാപിച്ച് കിടക്കുന്ന നിത്യഹരിത മഴക്കാടുകളാല് സമൃദ്ധമാണ് ജയ് രാംപൂര് . ഒരു മലമ്പ്രദേശ പട്ടണമായ ജയ് രാംപൂരില് സന്ദര്ശകര്ക്ക് പ്രകൃതിയുടെ അവാച്യ സൌന്ദര്യം മനം കുളിര്ക്കെ കാണാം. ഈ വനഭൂമിയിലെ വിശിഷ്ട ജനുസ്സായ ഹൂലോക്ക് ജിബത്സ് എന്ന കുരങ്ങുകളുടെ ആരവം കേട്ടുണരാനും പച്ചപ്പുകളുടെ നിര്മ്മല സൌന്ദര്യത്തില് മനം നിറയ്ക്കാനും സന്ദര്ശകര്ക്ക് സൌഭാഗ്യം ലഭിക്കും.
പ്രകൃതി ധാതുക്കളുടെ അക്ഷയകേന്ദ്രമാണ് ഈ കൊച്ചുപട്ടണം. സഹിഷ്ണുതയും അതിഥി സല്ക്കാരവും ഈ നാട്ടുകാരുടെ മുഖമുദ്രയാണ്. സുഖകരമായ കാലാവസ്ഥയും കൂട്ടിനുള്ളപ്പോള് സന്ദര്ശകര്ക്ക് ഈ സ്ഥലം പ്രിയങ്കരമാകുക തന്നെ ചെയ്യും.
2001 ലെ സെന്സസ് പ്രകാരം ഇവിടത്തെ ജനസംഖ്യ 5918 ആണ്. 71 ശതമാനം ജനങ്ങളും സാക്ഷരരാണ് എന്നതാണ് പട്ടണത്തിന്റെ സവിശേഷത. ദേശീയ ശരാശരിയേക്കാള് 59.5 ശതമാനം കൂടുതലാണിത്. തങ്സകളാണ് ഇവിടത്തെ പ്രബല ഗോത്രവര്ഗ്ഗക്കാര് . ഒരുപാട് ഉപഗോത്രങ്ങള് ഇതിന് കീഴിലുണ്ട്. കഠിനാദ്ധ്വാനികളും ഉത്സാഹശീലരുമാണ് ഈ ആദിവാസികള് . ഈ വിഭാഗങ്ങളില് വലിയൊരു ശതമാനം ആളുകള് ക്രിസ്തുമതത്തിലേക്കും ബുദ്ധമതത്തിലേക്കും കാലക്രമേണ പരിവര്ത്തനം ചെയ്തിട്ടുണ്ട്. ഇവരുടെ പ്രധാന തൊഴില് കൃഷിയാണ്.
