പര്വാനോയില് നിന്ന് 24 കിലോമീറ്റര് അകലെയുള്ള മാന്സാ ദേവി ക്ഷേത്രം മണിമജ്ര മഹാരാജാവായിരുന്ന മഹാരാജാ ഗോപാല്സിംഗാണ് നിര്മിച്ചത്. നാഷനല് ഹൈവേ 22 വഴിയും എത്താവുന്ന ഈ ക്ഷേത്രം 1811ല് നിര്മാണം തുടങ്ങി 1815ലാണ് പൂര്ത്തീകരിച്ചത്. ദുര്ഗാദേവിയുടെ അവതാരങ്ങളിലൊന്നാണ് ഇവിടത്തെ പ്രതിഷ്ഠയായ മാന്സാ ദേവിയെന്നാണ് വിശ്വാസം. നവരാത്രി ആഘോഷമാണ് ഇവിടത്തെ പ്രധാന ഉല്സവം. ഈ ദിവസം മാന്സാദേവിയുടെ അനുഗ്രഹം തേടി ലക്ഷകണക്കിന് വിശ്വാസികളാണ് മലകയറാന് എത്തുക.