രാജസ്ഥാനിലെ പിലാനിയിലെ ഏറ്റവും പ്രധാനപ്പെട്ട ടൂറിസ്റ്റ് ആകര്ഷണങ്ങളിലൊന്നാണ് ശാരദ ക്ഷേത്രം. സാമൂഹിക പ്രവര്ത്തകും സ്വാതന്ത്രസമര സേനാനിയുമായ വ്യവസായി ജി ഡി ബിര്ലയാണ് ഈ ക്ഷേത്രം നിര്മിച്ചത്. ഇരുപതാം നൂറ്റാണ്ടില് സ്ഥാപിക്കപ്പെട്ട ഈ ക്ഷേത്രത്തിലെ പ്രധാന പ്രതിഷ്ഠ സരസ്വതിയാണ്.
ബി ഐ ടി എസ് പിലാനിയിലെ വിദ്യാ വിഹാര് ക്യാംപസിലാണ് ഈ ക്ഷേത്രം സ്ഥിതിചെയ്യുന്നത്. രാജസ്ഥാനിലെ മക്രാനയില് നിന്നും കൊണ്ടുവന്ന മനോഹരമായ മാര്ബിളിലാണ് ഈ ക്ഷേത്രം നിര്മിച്ചത്. ഖജുരാഹോയിലെ കന്ദരിയ മഹാദേവ ക്ഷേത്രത്തിലെ പണികളില് നിന്നും പ്രചോദനം ഉള്ക്കൊണ്ടാണ് ക്ഷേത്രം നിര്മിച്ചിരിക്കുന്നത്. ഗര്ഭഗൃഹവും പ്രദക്ഷിണപഥവും അന്തരാളവും മണ്ഡപവും അര്ദ്ധമണ്ഡപവും അടക്കം പ്രധാനപ്പെട്ട അഞ്ചുഭാഗങ്ങളുണ്ട് ക്ഷേത്രത്തിന്.