പ്രമുഖ ആരാധനാ കേന്ദ്രങ്ങളായ പുരിയെയും കൊണാര്ക്കിനെയും കൂട്ടിയിണക്കുന്നതാണ് കടല്തീരത്തിലൂടെയുള്ള ഈ 35 കിലോമീറ്റര് റോഡ്. തീരദേശത്തെ ചെറു വനങ്ങളടക്കം മനോഹര കാഴ്ചകളാണ് ഈ റോഡിന്െറ ഇരുവശത്തും യാത്രക്കാര്ക്കായി ഒരുക്കിയിട്ടുള്ളത്. നിരവധി ബീച്ച് റിസോര്ട്ടുകളും ഇവിടെയുണ്ട്.
ഈ വഴിയിലാണ് രാംചന്ദി ക്ഷേത്രവും പഞ്ച് മുക്തി ഹനുമാന് ക്ഷേത്രവും ഗുപതേശ്വര് ക്ഷേത്രവും സ്ഥിതി ചെയ്യുന്നത്. ചന്ദ്രബാഗാ ബീച്ചാണ് ഈ റൂട്ടിലെ പ്രശസ്ത ടൂറിസ്റ്റ് സ്പോട്ട്. മുന്കൂര് ബുക്ക് ചെയ്താല് ഇവിടെ ബോട്ടിംഗിന് അവസരം ലഭിക്കും. രാംചന്ദി ബീച്ചും ഈ റൂട്ടില് തന്നെയാണ്. ബോട്ടിംഗ് സൗകര്യമുള്ള ഇവിടെ സൂര്യോദയവും സൂര്യാസ്തമനവും മനോഹര കാഴ്ചയാണ്.