കാര്ഗിലില് ആണ് കാര്ട്സെ താഴ്വര സ്ഥിതി ചെയ്യുന്നത്. സുരു നദിയിലേക്ക് വെള്ളമെത്തുന്നത് പ്രധാനമായും ഈ താഴ്വരയില് നിന്നാണ്. കിഴക്കന് മലനിരകള് വരെ വ്യാപിച്ചു കിടക്കുന്ന ഈ താഴ്വരയില് ഒറ്റപ്പെട്ട നിരവധി ഗ്രാമങ്ങളുണ്ട്. ഇവയില് കാര്ട്സെ ഖര് ഗ്രാമം വളരെ പ്രശസ്തമാണ്. ഈ ഗ്രാമത്തില് ഭാവി ബുദ്ധന്റെ ഏഴ് മീറ്റര് ഉയരമുള്ള ഒരു കല്പ്രതിമ കാണാം.
ഏഴാം നൂറ്റാണ്ടിലും എട്ടാം നൂറ്റാണ്ടിലും ഇവിടെ ബുദ്ധമത വിശ്വാസികള് താമസിച്ചിരുന്നുവെന്നതിന്റെ തെളിവാണ് ഈ പ്രതിമ. ട്രെക്കിംഗ് പോലുള്ള സാഹസിക വിനോദങ്ങള്ക്ക് പറ്റിയ സ്ഥലമാണ് ഇവിടം. സാങ്കൂവില് നിന്ന് മുല്ബെക്കിലേക്കുള്ള ട്രെക്കിംഗ് വളരെ രസകരമായ അനുഭവമായിരിക്കും സാഹസികരായ സഞ്ചാരികള്ക്ക് പ്രദാനം ചെയ്യുന്ന. നാലുദിവസം നീണ്ടു നില്ക്കുന്ന ഈ മലകയറ്റത്തിനൊടുവില് കാര്ട്സെ താഴ്വരയില് എത്താനാകും.