ജമ്മു കാശ്മീരിലെ മനോഹരമായ ജില്ലയും വിനോദസഞ്ചാര കേന്ദ്രവുമാണ് പുല്വാമ. കാശ്മീരിന്റെ അരിപ്പാത്രം എന്നൊരു വിളിപ്പേരും പുല്വാമയ്ക്കുണ്ട്. 323 ഗ്രാമങ്ങളുണ്ട് പുല്വാമയില്. അവന്തിപൂര്, ഷോപിയാന്, പുല്വാമ, ത്രാല്, പാംപൂര് എന്നിങ്ങനെയുളള അഞ്ച് മണ്ഡലങ്ങളുണ്ട് പുല്വാമ ജില്ലയില്. പന്വാംഗം എന്ന് നേരത്തെ അറിയപ്പെട്ടിരുന്ന പുല്വാമ 1979 ലാണ് പ്രത്യേക ജില്ലയായത്.
1346 മുതല് 1586 എഡി വരെ കാശ്മീര് രാജാക്കന്മാരായിരുന്നു പുല്വാമ ഭരിച്ചിരുന്നത്. പതിനാറാം നൂറ്റാണ്ടില് ഇവിടെ മുഗളന്മാര് എത്തി. പിന്നീട് അഫ്ഗാനികളും ഇവിടം ഭരിച്ചു. നിരവധി മനോഹരമായ കാഴ്ചകള് കാണാനുണ്ട് പുല്വാമയില്.
ചരിത്രപ്രസിദ്ധമായ മുഗള് റോഡുകള്, അഹര്ബാള് വെളളച്ചാട്ടം, ഹര്പോറ, തര്സാര്, മര്സാര് എന്നിങ്ങനെ പോകുന്നു പുല്വാമയിലെ കാഴ്ചകള്. കുംഗ്വാട്ടനും നാഗ്ബേരനുമാണ് ഇവിടെ കണ്ടിരിക്കേണ്ട മറ്റ് രണ്ട് സ്ഥലങ്ങള്.
അവന്തീശ്വര് ക്ഷേത്രം,ഷാം ഹംദാന് ദേവാലയം, സയിദ് ഹസന് മന്തകി ദേവാലയും തുടങ്ങിയവയാണ് ഇവിടത്തെ പ്രസിദ്ധമായ ആരാധനാലയങ്ങള്. ജമാ മസ്ജിദും ഷോപിയാനും അസര് ഷെരീഫ് പഞ്ചൂരയും കാണേണ്ടത് തന്നെ.
റോഡ്, വിമാന, റെയില്മാര്ഗങ്ങളില് പുല്വാമയിലെത്താന് പ്രയാസമില്ല. ശ്രീനഗറാണ് സമീപത്തുള്ള വിമാനത്താവളം. ജമ്മുതാവിയാണ് അടുത്തുള്ള റെയില്വേ സ്റ്റേഷന്.
പ്രകൃതിസൗന്ദര്യത്തിനും കാഴ്ചകള്ക്കും പേരുകേട്ട സ്ഥലമാണ് ഇത്. തണുത്ത ശീതകാലവും ചൂടേറിയ വേനലുമാണ് ഇവിടത്തെ പ്രത്യേകത. പുല്വാമ സന്ദര്ശനത്തിന് പറ്റിയ മാസങ്ങള് ഏപ്രില് മുതല് ഒക്ടോബര് വരെയാണ്.