മൊഹമ്മദ് ആദില് ഷായുടെ കാലത്ത് പണിത ഒരു ഹാളാണ് ഇത്. ഹാള് ഓഫ് ജസറ്റിസ് എന്നാണ് ഇതിനെ പറയുന്നത്. 1646ലാണ് ഇത് പണിതത്. പ്രവാചകന്റെ താടിരോമം സൂക്ഷിച്ചിരുന്നതും ഈ ഹാളിലായിരുന്നു. ചെറിയചെറിയ കാര്യങ്ങളില്പ്പോലും ഏറെ ശ്രദ്ധവെച്ച് നിര്മ്മിച്ചതാണ് ഈ കെട്ടിടം. കെട്ടിടത്തിന്റെ മുകള്ഭാഗത്ത് മനോഹരമായ ചിത്രങ്ങളുണ്ട്.
ഈ സ്ഥലത്താണ് എല്ലാവര്ഷവും ഉര്സ് ഉത്സവം കൊണ്ടാടുന്നത്. ഈ കെട്ടിടത്തിന്റെ മുന്ഭാഗത്തായി ചതുരാകൃതിയിലുള്ള മൂന്ന് ടാങ്കുകളുണ്ട്. ഇക്കൂട്ടത്തിലുള്ള ഏറ്റവും വലിയ ടാങ്കിന് 15 അടി ആഴമുണ്ട്. കെട്ടിടത്തിന്റെ പിന്ഭാഗത്തായി ഒരു പഴയ പള്ളിയുടെ അവശിഷ്ടങ്ങള് കാണാം. ഇപ്പോള് ഈ കെട്ടിടം ആര്ക്കിയോളജിക്കല് സര്വ്വേ ഓഫ് ഇന്ത്യയുടെ അധീനതയിലാണ്.