Click it and Unblock the Notifications
ശ്രീരംഗപട്ടണത്തിന് സമീപത്തായി പാറക്കെട്ടുകള് നിറഞ്ഞ നിബിഢവനമാണ് പാണ്ഡവപുരം. മഹാഭാരതത്തിലെ കഥയുമായി ബന്ധപ്പെട്ടാണ് ഇവിടെ പ്രശസ്തമായിരിക്കുന്നത്. പഞ്ചപാണ്ഡവന്മാര് വനവാസക്കാലത്ത് ഇവിടെ വന്നുതാമസിച്ചു എന്നാണ് ഐതിഹ്യം. പാണ്ഡവമാതാവായ കുന്തിക്ക് ഈ സ്ഥലം ഏറെ ഇഷ്ടപ്പെട്ടു എന്നും ഇവിടത്തുകാര് വിശ്വസിക്കുന്നു.
അതുകൊണ്ടാണത്രേ ഈ സ്ഥലത്തിന് പാണ്ഡവപുരം എന്ന പേര് കിട്ടിയത്. ശ്രീരംഗപട്ടണത്തിലെത്തുന്ന സഞ്ചാരികള് ഇവിടെ സന്ദര്ശിക്കുക സാധാരണയാണ്. ഫ്രഞ്ച് റോക്ക്സ് എന്നൊരു പേരും ഈ സ്ഥലത്തിനുണ്ട്. ബ്രട്ടീഷുകാരോട് എതിരിട്ട ടിപ്പുസുല്ത്താനെ സഹായിക്കാനായി ഫ്രഞ്ചുകാര് എത്തിയതിന്റെ സ്മരണയ്ക്കാണ് ഇങ്ങനെ വിളിക്കപ്പെടുന്നത്. നെടുനീളന് നെല്പ്പാടങ്ങളും കരിമ്പിന് തോട്ടങ്ങളുമാണ് മഹാദേവപുരയുടെ പ്രത്യേകത.
കൃഷിയാണ് പ്രദേശവാസികളുടെ പ്രധാന ജീവിതമാര്ഗം. പാണ്ഡവപുരത്തെത്തുന്ന യാത്രികര്ക്ക് നിരവധി കാര്ഷിക ഉല്പ്പന്നങ്ങളും കരകൗശല വസ്തുക്കളും ആയുര്വേദ മരുന്നുകളും കാണാന് സാധിക്കും.
