Click it and Unblock the Notifications
തലക്കാട്ടേയ്ക്കുള്ള യാത്രക്കിടെ കയറാവുന്ന മറ്റൊരു സ്ഥലമാണ് കീര്ത്തി നാരായണക്ഷേത്രം. 1911ല് നശിച്ചുപോയതാണ് ഈ ക്ഷേത്രം. ഹൊയ്സാല ഭരണകാലത്താണ് ഇത് പണികഴിപ്പിച്ചത്. ഹൊയ്സാല രാജാവായിരുന്ന വിഷ്ണുവര്ദ്ധനനാണേ്രത ഈ ക്ഷേത്രത്തില് കീര്ത്തിനാരായണന്, രംഗനാഥര് എന്നിവരുടെ പ്രതിഷ്ഠ നടത്തിയത്.
പിന്നീട് സുന്ദരവല്ലി തായരുടെ പ്രതിഷ്ഠ, നവഗ്രഹമണ്ഡപം എന്നിവയും സ്ഥാപിച്ചു. രാമാനുജര്, വേദാന്ത ദീക്ഷിതര് എന്നിവരുടെ പ്രതിഷ്ഠകളുമുണ്ട് ഈ ക്ഷേ്ത്രത്തില്. വിശ്വസേനര്, യോഗ നരസിംഹം എന്നീ പ്രതിമകളുള്ള ഒരു അര്ദ്ധമണ്ഡപവുമുണ്ട് ക്ഷേത്രത്തില്. ഒന്പത് അടി ഉയരമുള്ള വിഷ്ണുപ്രതിമായാണ് ക്ഷേത്രത്തിലെ എടുത്തുപറയേണ്ടുന്ന മറ്റൊരു പ്രത്യേകത. ഗരുഢ പീഡത്തിലാണ് ഈ പ്രതിമ സ്ഥാപിച്ചിരിക്കുന്നത്.
