Click it and Unblock the Notifications
കുരിശുമലയെന്നുപേരുള്ള മലയ്ക്ക് മുകളിലാണ് ഈ ആശ്രമം. നസ്രാണി കത്തോലിക്കര്ക്കും ഗാന്ധിയന്തത്വങ്ങളില് വിശ്വസിക്കുന്നവര്ക്കും വേണ്ടിയുള്ളതാണ് ഈ ആശ്രമം. എല്ലാ മതവിഭാഗങ്ങളില് നിന്നുള്ളവരും ഈ ആശ്രമം കാണാനെത്താറുണ്ട്. ദുഖവെള്ളിയാഴ്ചയാണ് ഇവിടുത്തെ പ്രധാനപ്പെട്ട ദിവസം. ഈ ദിവസം വിശ്വാസികള് കൂറ്റന് മരക്കുരിശുമേന്തി യേശുദേവന്റെ ക്രൂശിത ദിവസത്തിന്റെ വേദനസ്വയം ഏറ്റുവാങ്ങുന്നതായി സങ്കല്പ്പിച്ച് ദീര്ഘദൂരം കാല്നടയായി മലകയറാറുണ്ട്.
പട്ടിണിയില്ക്കഴിയുന്ന അനേകം പാവപ്പെട്ടയാളുകള്ക്കുള്ള ഭക്ഷണവും മറ്റും ദിവസേന ആശ്രമത്തില് നിന്നും കൊണ്ടുപോകുന്നുണ്ട്. അന്തേവാസികളും സന്ദര്ശകരും ഭക്ഷണം പാഴാക്കുന്നത് ഇവിടെ കര്ശനമായി നിരോധിച്ചിട്ടുണ്ട്. ആശ്രമത്തില് വലിയൊരു പ്രാര്ത്ഥനാ ഹാളുണ്ട്. ഇവിടെ ആളുകള് പ്രാര്ഥിയ്ക്കുന്നതും ധ്യാനിയ്ക്കുന്നതും കാണാം. ആശ്രമത്തോടുചേര്ന്നുള്ള ഫാമില് ദിവസേന 1500 ലിറ്റല് പാലാണ് ഉല്പാദിപ്പിയ്ക്കുന്നത്.
കുരിശുമലയില് പന്ത്രണ്ടോളം ചെറുകുന്നുകളുണ്ട്. ഇക്കൂട്ടത്തില് ഏറ്റവും ഉയരം കൂടിയ കുന്നാണ് റെസ്ുറക്ഷന് ഗാരന്ഡന്. ആത്മീയകേന്ദ്രമെന്നകാര്യം മാറ്റിനിര്ത്തിയാലും കുരിശുമല സഞ്ചാരികളുടെ ഇഷ്ടകേന്ദ്രമാണ്, ഇവിടുത്തെ പ്രകൃതിഭംഗിതന്നെയാണ് ഇതിന് കാരണം.
