കേരളത്തിലെ പഴക്കമേറിയ കൃഷ്ണ ക്ഷേത്രങ്ങളില് ഒന്നാണിത്. കൃഷ്ണനെ പാര്ത്ഥസാരഥിയുടെ രൂപത്തിലാണ് ഇവിടെ ആരാധിയ്ക്കുന്നത്. ഗണപതിയും, ശിവനുമാണ് ക്ഷേത്രത്തിലെ മറ്റു പ്രതിഷ്ഠകള്. കേരളത്തില് ഏറ്റവും അധികം സന്ദര്ശകരെത്താറുള്ള ക്ഷേത്രത്തില് ഒന്നുകൂടിയാണ് ഈ കൃഷ്ണക്ഷേത്രം. എല്ലാവര്ഷവും നടന്നുവരുന്ന പത്തുനാള് നീണ്ടുനില്ക്കുന്ന ഉത്സവമാണ് ഇവിടുത്തെ പ്രധാനവിശേഷം. ഉത്സവത്തിന്റെ പത്താം ദിവസം ക്ഷേത്രപരിസരത്ത് നടക്കുന്ന ഗജമേള കാണേണ്ടകാഴ്ചതന്നെയാണ്.
അലങ്കാരങ്ങളണിഞ്ഞ ഒന്പത് ആനകളെയാണ് ക്ഷേത്രമുറ്റത്ത് അണിനിരത്തുക. ഇതിനോടനുബന്ധിച്ച് വര്ണശബളമായ ഘോഷയാത്രയും നടക്കും. മറ്റൊരു പ്രധാന ഉത്സവം നടക്കുന്നത് കൃഷ്ണന്റെ ജന്മദിവസമായ അഷ്ടമി രോഹിണി നാളിലാണ്. ഈ സമയത്തും ക്ഷേത്രത്തില് വന് തിരക്ക് അനുഭവപ്പെടാറുണ്ട്. പരിചമുട്ടുകളി, മയൂര നൃത്തം, അമ്മന്കുടം, വേലളി തുടങ്ങി പല നാടന് കലാരൂപങ്ങളും ഈ സമയത്ത് ഇവിടെ അരങ്ങേറാറുണ്ട്.