മനോഹരമായി പണിതീര്ത്ത ഒരു സ്മാരകമാണ് ഈ കെട്ടിടം. മഹാരാജ് ഭഖ്താവര് സിങ് അദ്ദേഹത്തിന്റെ രാജ്ഞിയായ റാണി മൂസി എന്നിവര്ക്കായി വിനയ് സിങ് പണികഴിപ്പിച്ചതാണ് ഈ കെട്ടിടം. എഡി 1815ലാണ് ഇത് നിര്മ്മിച്ചത്. ഏറെ തൂണുകളും കമാനങ്ങളുമുള്ളതാണ് കെട്ടിടത്തിന്റെ നിര്മ്മാണശൈലി, വൃത്താകൃതിയിലാണ് ഇതിന്റെ മേല്ക്കൂര.
ചുവന്ന മണല്ക്കല്ലിലാണ് കെട്ടിടം പണിതിരിക്കുന്നത്. ഇവിടെയുമുണ്ട് ചുവരുകളെ മനോഹരമാക്കുന്ന കൊത്തുപണികളും ചിത്രങ്ങളും. പരിസരങ്ങളില് വിഹരിയ്ക്കുന്ന പലനിറങ്ങളിലുള്ള പക്ഷികളും മയിലുകളുമെല്ലാം ചേര്ന്ന് ഈ കെട്ടിടത്തിന്റെ മനോഹാരിത പതിന്മടങ്ങാക്കുന്നു. ആരവല്ലി മലനിരകളുടെ പശ്ചാത്തലത്തിലുള്ള മൂസി മഹാറാണി കി ഛത്രിയുടെ കാഴ്ച സഞ്ചാരികളില് അതിശയമുണ്ടാക്കുമെന്ന് പ്രത്യേകിച്ച് പറയേണ്ടതില്ല.