സംസ്ഥാന സെക്രട്ടേറിയറ്റായ വിധാന് സൗധ കണ്ടിരിക്കേണ്ടതുതന്നെയാണ്. ഇഷ്ടികകളും കരിങ്കല്ലും ചേര്ത്ത് നിര്മ്മിച്ച ഈ കെട്ടിടത്തിന്റെ കാഴ്ച മനോഹരമാണ്. 46 മീറ്റര് ഉയരമുള്ള കെട്ടിടം നഗരത്തിലെ ഏറ്റവും ഉയരം കൂടിയ കെട്ടിടങ്ങളില് ഒന്നാണ്. പരമ്പരാഗത ദ്രാവിഡ വാസ്തുവിദ്യയും ആധുനിക ശൈലിയും സമന്വയിപ്പിച്ചാണ് ഈ കെട്ടിടം പണിതിരിക്കുന്നത്. പൊതു അവധി ദിവസങ്ങളിലും ഞായറാഴ്ച വൈകുന്നേരങ്ങളിലും കെട്ടിടം ദീപാലംകൃതമായിരിക്കും, രാത്രി ദീപപ്രഭയില് കുളിച്ചുനില്ക്കുന്ന വിധാന് സൗധയുടെ ദൃശ്യം കാലങ്ങളോളം മനസ്സില് തങ്ങിനില്ക്കുന്നതാണ്. ബാംഗ്ലൂര് സിറ്റി ജംഗ്ഷനില് നിന്നും ഒന്പത് കിലോമീറ്റര് അകലത്തിലാണ് ഈ കെട്ടിടം.