ബിക്കാനീറിലെ ഏറ്റവും പഴക്കംചെന്ന ചരിത്രസ്മാരകമാണ് ഈ ക്ഷേത്രം. ഈ ക്ഷേത്രത്തിന് സമീപമാണ് ബിക്കാനീര് നഗരം നിര്മ്മിക്കാനായി 1488ല് റാവു ബിക്കാജി ശിലാസ്ഥാപനം നടത്തിയത്. അതിനാല്ത്തന്നെ ബിക്കാനീറിനെ സംബന്ധിച്ച് ഈ ക്ഷേത്രത്തിന് ഏറെ പ്രാധാന്യമുണ്ട്, ബിക്കാനീറിലെ ഏറ്റവും പ്രധാനപ്പെട്ട ടൂറിസ്റ്റ് കേന്ദ്രമാണിത്. റാവു ലുന്കാരന്റെ കാലത്താണ് ഈ ക്ഷേത്രം പണിതത്. വിഷ്ണുവും ലക്ഷ്മിയുമാണ് ഇവിടുത്തെ പ്രതിഷ്ഠ. വിശേഷപ്പെട്ട വാസ്തുവിദ്യാശൈലിയാണ് ക്ഷേത്രത്തിന്റേത്.