ജൈനമതത്തിലെ ദിംഗബര വിഭാഗത്തിന്‍റെ ഒരു പ്രശസ്ത തീര്‍ത്ഥാടനകേന്ദ്രമാണിത്. നേതാജി സുഭാഷ് ചന്ദ്രബോസ് മെഡിക്കല്‍ കോളേജിനോട് ചേര്‍ന്നാണ് ഈ സ്ഥലം. വാസ്തുവിദ്യയുടെയും ഭംഗിയുടെയും കാര്യത്തില്‍ മുന്നില്‍ നില്‍ക്കുന്ന ഈ ക്ഷേത്രം അഞ്ഞൂറ് വര്‍ഷത്തോളം പഴക്കമുള്ളതാണ്. ഐതിഹ്യമനുസരിച്ച് ഒരു വിശുദ്ധ ജൈനസന്യാസിയുടെ സ്വരം ശ്രവിച്ച പാവപ്പെട്ട ഒരു സ്ത്രീയാണ് ഈ ക്ഷേത്രം നിര്‍മ്മിച്ചത്. സന്യാസിയുടെ മാന്ത്രികശക്തിയാര്‍ന്ന വാക്കുകള്‍ അവരെ ഈ പരിശ്രമത്തിന് പ്രേരിപ്പിച്ചു. ഈ സ്ത്രീ സ്ഥാപിച്ചതെന്ന് കരുതപ്പെടുന്ന കല്ലുകള്‍ അവരോടുള്ള ബഹുമാന സൂചകമായി ഇന്നും മാറ്റാതെ അവിടെത്തന്നെ നിലനിര്‍ത്തിയിരിക്കുന്നത് കാണാം.

ഈ ഭക്തക്കുള്ള സ്മരണയായാണ് ക്ഷേത്രത്തിന് പിസാന്‍ഹരി കി മാണ്ഡിയ എന്ന് പേരിട്ടത്. ഇതിനര്‍ത്ഥം കല്ലില്‍ കൈകൊണ്ട്  ഗോതമ്പ് പൊടിക്കുന്ന സ്ത്രീ എന്നാണ്. മനോഹരമായ പ്രകൃതി പശ്ചാത്തലമൊരുക്കുന്ന ഇവിടെ ആയിരക്കണക്കിന് സന്ദര്‍ശകര്‍ സന്ദര്‍ശനം നടത്തുന്നു.