Click it and Unblock the Notifications
ഉത്തര്പ്രദേശിലെ ബുണ്ടല്ക്കാണ്ട് പ്രവിശ്യയുടെ ഗേറ്റ് വേ എന്നാണ് ഝാന്സി അറിയപ്പെടുന്നത്. ചന്ദേല രാജാക്കന്മാരുടെ ഭരണത്തിന് കീഴില് പേരുകേട്ട ഝാന്സി പതിനൊന്നാം നൂറ്റാണ്ടോടെ അതിന്റെ പെരുമ നഷ്ടപ്പെട്ടു. എന്നാല് മുഗള് രാജാവായിരുന്ന ജഹാംഗീറിന്റെ അടുപ്പക്കാരനായ രാജാ ബിര്ഡ സിംഗിന്റെ ഭരണകാലത്ത് ഝാന്സി വീണ്ടും പേരെടുത്തു.
എന്നാല് ഇതൊന്നുമല്ല, ഝാന്സി എന്ന പേര് ആളുകളുടെ മനസ്സില് എത്തിക്കുന്ന രൂപം. അത് റാണി ലക്ഷ്മിഭായിയുടെതാണ്. 1857 ലെ ഒന്നാം സ്വാതന്ത്രസമരക്കാലത്ത് ബ്രിട്ടീഷുകാരോട് സധൈര്യം പോരാടിയ സാക്ഷാല് ഝാന്സിറാണിയുടെ. രാജാ ഗംഗാധറിനെയാണ് ലക്ഷ്മിഭായി വിവാഹെ ചെയ്തത്. ഝാന്സി കോട്ട പിടിച്ചെടുക്കാനുള്ള ബ്രിട്ടീഷുകാരുടെ ശ്രമത്ത ചെറുത്ത റാണി പോരാട്ടത്തിനൊടുവില് ഗ്വാളിയറില് വച്ച് മരണത്തിന് കീഴടങ്ങി.
ഇന്ത്യയുടെ ജോണ് ഓ ആര്ക് എന്നും ഝാന്സി റാണി എന്നും പേരുകേട്ടു ലക്ഷ്മിഭായി. ഫെബ്രുവരി - മാര്ച്ച് മാസങ്ങളിലെ ഝാന്സി ഫെസ്റ്റിവല് ഇന്നും ലോകത്തിന്റെ ശ്രദ്ധയാകര്ഷിക്കുന്നു.
ഝാന്സിയിലെ കാഴ്ചകള്
ചരിത്രപരവും പ്രകൃതിദത്തവുമായ കാഴ്ചകളാണ് ഝാന്സിയില് കൂടുതലായും കാണാനുള്ളത്. ബ്രിട്ടീഷുകാരോട് ഝാന്സി റാണി പോരാടിയ ഝാന്സി കോട്ടയാണ് ഇവയില് പ്രധാനപ്പെട്ട ഒന്ന്. പരിച എന്ന അണക്കെട്ടും, ബുദ്ധവിഹാരവും മോസ്കും ക്ഷേത്രവംു ഝാന്സിയിലെ പ്രധാനപ്പെട്ട കാഴ്ചകളാമ്. ഝാന്സി മ്യൂസിയവും റാണിയുടെ കൊട്ടാരവും ഇവിടത്തെ മനോഹരമായ കാഴ്ചകളില്പ്പെടും. ബേത്വാ നദിയുടെ കരയിലെ ബറുവസാഗര് ലേക് ഇവിടത്ത കാഴ്ചളില് ഒന്നാണ്.
പ്രശസ്ത കവി മൈഥിലി ശരണ് ഗുപ്തയുടെ ജന്മനാടായ ചിരഗോണ് ഇവിടെ അടുത്താണ്. സെന്റ് ജൂഡ്സ് ദേവാലയം സ്ഥിതിചെയ്യുന്ന ഓര്ച്ച, മഹാരാജാ ഗംഗാധര് കി ഛാത്രി, ഗണേഷ് മന്ദിര്, മഹാ ലക്ഷ്മി ക്ഷേത്രം തുടങ്ങിയവയും ഝാന്സിയിലെ കാഴ്ചകളില്പ്പെടുന്നു.
