ഖീചന് പക്ഷി വിഹാരകേന്ദ്രം ദേശാടനപ്പക്ഷികളുടെ അഭയ കേന്ദ്രമാണ്. ഈ നൈസര്ഗ്ഗിക പക്ഷി കേന്ദ്രം മൂന്നിനം ദേശാടനപ്പക്ഷികള്ക്ക് അഭയമാകാറുണ്ട്. കുര്ജാന്, കര്കര് , കുംച് എന്നിങ്ങനെ തെക്ക് പടിഞ്ഞാറന് യൂറോപ്പില് നിന്നും, കരിങ്കടല് പ്രദേശത്തുനിന്നും, പോളണ്ട്, ഉക്രൈന് , കസാക്കിസ്ഥാന് ,വടക്ക്-തെക്ക് ആഫ്രിക്കകളില് നിന്നും മംഗോളിയയില് നിന്നും വരുന്ന പക്ഷികളാണ് ഇവ. ഒക്ടോബര് -മാര്ച്ച് കാലഘട്ടങ്ങളില് ആണ് ദേശാടനപ്പക്ഷികള് ഈ പ്രദേശത്ത് എത്തുന്നത്.
വളരെയേറെ പക്ഷികള് എല്ലാവര്ഷവും ഇന്ത്യയില് വന്നു പോകുന്നു. അതില് ഏതാണ്ട് ആറായിരത്തോളം പക്ഷികള് ഖീചനിലെ പക്ഷി വിഹാരകേന്ദ്രത്തിലാണ് വന്നെത്തുന്നത്. 'കുര്-കുര്' എന്ന് ശബ്ദമുണ്ടാക്കുന്ന കുര്ജാന് 4-6 കിലോ തൂക്കവും മൂന്നടി നീളവും ഉണ്ടാവും. കുര് -കുര് എന്ന പ്രത്യേക തരം ശബ്ദം ഉണ്ടാക്കുന്നത് കൊണ്ടാണ് അവയെ തദ്ദേശവാസികള് കുര്ജാന് എന്ന് വിളിക്കുന്നത് .മണിക്കൂറില് നാല്പ്പതു -അറുപതു കിലോമീറ്റര് വേഗതയില് ദീര്ഘദൂരം പറക്കാന് അവയ്ക്ക് കഴിയും. ഈ കന്യകക്കൊക്കുകള് കാഴ്ചക്ക് അതീവ പേലവ സുന്ദരശരീരികള് ആണ് .
ഖീചന് പക്ഷി വിഹാര കേന്ദ്രം പക്ഷിപ്രേമികള്ക്കിടയില് വളരെ പ്രസിദ്ധമായതിനാല് ധാരാളം സഞ്ചാരികള് ഈ കേന്ദ്രം സന്ദര്ശിക്കുന്നു.