Click it and Unblock the Notifications
മുസ്സൂറിയിലെ പ്രധാനപ്പെട്ട ഒരു തിബറ്റന്‍ ക്ഷേത്രമാണ്‌ ഷെഡപ്പ്‌ ചോപെല്ലിംഗ്‌ ക്ഷേത്രം. ഇത്‌ പരക്കെ തിബറ്റന്‍ ബുദ്ധ ക്ഷേത്രം എന്നാണ്‌ അറിയപ്പെടുന്നത്‌. ഹാപ്പി വാലിയിലേക്കുള്ള റോഡില്‍ സ്ഥിതി ചെയ്യുന്ന ഈ ക്ഷേത്രത്തിന്‌ ചുറ്റും മഞ്ഞുമൂടിയ മലനിരകള്‍ കാണാന്‍ കഴിയും.
തിബറ്റില്‍ നിന്ന്‌ രക്ഷപ്പെട്ടെത്തിയ ദലൈലാമ മുസ്സൂറിയിലാണ്‌ അഭയം തേടിയത്‌. തുടര്‍ന്ന്‌ അന്നത്തെ ഇന്ത്യന്‍ പ്രധാനമന്ത്രിയായിരുന്ന ജവഹര്‍ലാല്‍ നെഹ്‌റു ധര്‍മ്മശാലയില്‍ അദ്ദേഹത്തിനും അനുയായികള്‍ക്കും അഭയസ്ഥാനം ഒരുക്കി. മനോഹരമായ മണ്‍വിളക്കുകള്‍, പ്രാര്‍ത്ഥനാ പതാകകള്‍ എന്നിവ കൊണ്ട്‌ ഈ ക്ഷേത്രം അലങ്കരിച്ചിട്ടുണ്ട്‌. തിബറ്റന്‍ സാഹിത്യവുമായി ബന്ധപ്പെട്ട നിരവധി പുസ്‌തകങ്ങളും ഇവിടെ കാണാന്‍ കഴിയും.
