നാഗൂരിലെ ഒരു പ്രധാന ആകര്‍ഷണമാണ് സീരാലമ്മന്‍ ക്ഷേത്രം. ചെറിയൊരു പട്ടണമാണെങ്കിലും ക്ഷേത്രങ്ങളുടെ സാന്നിധ്യത്താല്‍ സമ്പന്നമാണ് ഇവിടം. റെയില്‍വേ സ്റ്റേഷനടുത്ത് സ്ഥിതി ചെയ്യുന്ന ഈ ക്ഷേത്രം ഒരു മുക്കുവ ഗ്രാമത്തിലാണ്. ഈ ക്ഷേത്രം നോക്കിനടത്തുന്നതും മുക്കുവരാണ്. പുരാണങ്ങളോളം പഴക്കമുള്ള ഒരു ക്ഷേത്രമാണിത്. വര്‍ഷം തോറും ഇവിടെ സീരാലമ്മന്‍ ഉത്സവം

നടന്നുവരുന്നു. പത്തുദിവസം നീളുന്ന ഉത്സവം ഒക്ടോബര്‍ - നവംബര്‍ മാസങ്ങളിലായാണ് നടക്കുന്നത്. സന്ദര്‍ശിച്ച് പ്രാര്‍ത്ഥിക്കുന്നവരുടെ ആഗ്രഹങ്ങള്‍ സഫലമാക്കിത്തരുന്ന ശക്തനാണ് ഇവിടുത്തെ മൂര്‍ത്തി എന്ന് വിശ്വസിക്കപ്പെടുന്നു. ഇവിടെ പ്രധാന ശ്രീകോവിലിലെത്തും മുമ്പ് ചില ആചാരക്രമങ്ങള്‍ നടത്തേണ്ടതായുണ്ട്.