Click it and Unblock the Notifications
ബുദ്ധമതത്തിന്റെ ഏറ്റവും വലിയ പഠനകേന്ദ്രമായിരുന്ന പുരാതന ഒഡന്റപുരി സര്വ്വകലാശാലയുടെ ആസ്ഥാനമായിരുന്നു ബിഹാര് ഷെരീഫ്. ഈ പ്രദേശത്തിന്റെ ചരിത്രത്തില് ബിഹാര് ഷെരീഫിന് വലിയ സ്ഥാനമുണ്ട്. സന്യാസിവര്യനായ സയ്യ്ദ് ഇബ്രാഹിം മാലിക്കിന്റെ ശവക്കല്ലറയും ബിഹാര് ഷെരീഫിന് ഉള്ളില് കാണാം.
പിര് പഹാരിയിലെ കുന്നിന് മുകളിലാണ് ഈ ശവകുടീരം സ്ഥിതി ചെയ്യുന്നത്. മികച്ച ഗുണനിലവാരമുള്ള ചുടുകല്ലുകള് ഉപയോഗിച്ച് നിര്മ്മിച്ചിരിക്കുന്ന ഈ ശവകുടീരം മനോഹരമായ കാഴ്ചയാണ്.
കാലം ഏല്പ്പിച്ച പരുക്കുകളെയും കാലാവസ്ഥയുടെ ആക്രമണത്തെയും അതിജീവിച്ച് ഈ ശവകുടീരം നിലനില്ക്കുന്നതിനുള്ള പ്രധാന കാരണം നിര്മ്മാണത്തിന് ഉപയോഗിച്ചിരിക്കുന്ന ചുടുകല്ലിന്റെ ഗുണമേന്മയാണെന്ന് എടുത്ത് പറയേണ്ടിയിരിക്കുന്നു.
600 വര്ഷം പഴക്കമുള്ള ബിഹാര് ഷെരീഫിന് ഉള്ളില് സയ്യ്ദ് ഇബ്രാഹിം മാലിക്കിന്റെ കുടുംബാംഗങ്ങള് ഉള്പ്പെടെയുള്ളവരുടെ മറ്റ് 10 ശവക്കല്ലറകളും ഉണ്ട്.
