Click it and Unblock the Notifications
റാണിഖേതില് നിന്നും 54 കിലോമീറ്റര് അകലെ സ്ഥിതി ചെയ്യുന്ന ഛൗഖുതിയ പ്രധാന വിനോദ സഞ്ചാരകേന്ദ്രങ്ങളില് ഒന്നാണ്. രാംഗംഗ നിദീതീരത്ത് സ്ഥിതി ചെയ്യുന്ന ഈ സ്ഥലത്തിന് ഈ പേര് ലഭിക്കുന്നത് നാല് അടി എന്നര്ത്ഥം വരുന്ന ഛൗ-ഖുത് എന്ന കുമൗണി വാക്കില് നിന്നും ആണ്. ഈ നാല് അടികള് കൊണ്ട് അര്ത്ഥമാക്കുന്നത് ഇവിടെ നിന്നുള്ള നാല് വഴികളാണ്. ആദ്യത്തെ വഴി രാംനഗറിലേക്കും രണ്ടാമത്തെ വഴി കരണ് പ്രയാഗിലേക്കും ഉള്ളതാണ്. മൂന്നാമത്തെ വഴി റാണിഖേതിലേക്കും നാലാമത്തെ വഴി തടക്തല്ലിലേക്കും എത്താനുള്ളതാണ്. ഖീരയിലേക്കും ഈ നാലമത്തെ വഴിയിലൂടെ എത്താം. പഴയകാലത്ത കോട്ടകളും കത്യൂരി രാജംവംശത്തിന്റെ അവശേഷിപ്പുകളും ഛൗഖുതിയിയില് കാണാന് കഴിയും.
അരി, ഗോതമ്പ് , മാങ്ങ തുടങ്ങിയവയുടെ കൃഷി കൊണ്ടും ഈ സ്ഥലം പ്രശസ്തമാണ്. അഗ്നേര് ക്ഷേത്രവും ലഖ്നപൂര് ക്ഷേത്രവുമാണ് ഇവിടെ പിന്നെ കാണാനുള്ളത്. അഗ്നേരി ക്ഷേത്രത്തില് വര്ഷാവര്ഷം നടത്തുന്ന അഷ്മി മേളയില് പങ്കെടുക്കാന് നിരവധി പേര് എത്തിച്ചേരാറുണ്ട്. മീന്പിടുത്തമാണ് ഇവിടെ സന്ദര്ശകരെ ആകര്ഷിക്കുന്ന പ്രധാന വിനോദം.
