ഹരിയാനയിലെ മറ്റ് നഗരങ്ങളെപ്പോലെ രോഹ്ട്ടക്കിലും ഒരു പുണ്യതീര്‍ത്ഥക്കുളമുണ്ട്.അതാണ് ഗോയങ്കരന്‍ കുളം അല്ലെങ്കില്‍ ഗോ കരന്‍ കുളം.നഗരത്തിനു നടുവില്‍ത്തന്നെയാണ് ഈ പുണ്യതീര്‍ത്ഥമുള്ളത്. മറ്റ് തീര്‍ത്ഥക്കുളങ്ങളെപ്പോലെ വിവിധ ദൈവങ്ങളുടെ വിഗ്രഹങ്ങളും പ്രാര്‍ത്ഥനാലയങ്ങളും ചേര്‍ന്നതാണ് കുളത്തിന്‍റെ പരിസരം.

ശിവന്‍,പാര്‍വ്വതി, ഹനുമാന്‍ തുടങ്ങി മൂര്‍ത്തികളുടെ ക്ഷേത്രങ്ങളാണ് ഇവിടെയുള്ളത്.രാജ്യത്തിന്‍റെ വിവിധ ഭാഗങ്ങളില്‍ നിന്നും ആയിരക്കണക്കിന് ഭക്തര്‍ ഇവിടെ ഈ പുണ്യ തീര്‍ത്ഥത്തില്‍ മുങ്ങി ഇഷ്ടദേവകളുടെ അനുഗ്രഹത്തിനായി എത്താറുണ്ട്.

തീര്‍ത്ഥാടകര്‍ക്ക് വേണ്ട എല്ലാ വിധ സൌകര്യങ്ങളും ഈ തീര്‍ത്ഥക്കുളത്തിനടുത്തുണ്ട്. ഭക്തര്‍ക്ക് താമസിക്കാനായി ധര്‍മ്മശാല എന്ന പേരില്‍ ഒരു ലോഡ്ജും നേരംപോക്കിനായി ഒരു പാര്‍ക്കും ഇവിടെ പ്രവര്‍ത്തിക്കുന്നുണ്ട്.