Click it and Unblock the Notifications
ഹിമാചല് പ്രദേശിന്റെയും ലഡാക്കിന്റെയും അതിര്ത്തിയിലാണ് സാര്ച്ചു എന്ന ഗ്രാമം സ്ഥിതിചെയ്യുന്നത്. സിര് ബും ചുന് എന്നും സാര്ച്ചുവിന് പേരുണ്ട്. സമുദ്രനിരപ്പില് നിന്നും 4290 മീറ്റര് ഉയരത്തിലാണ് സാര്ച്ചു. മനാലി - ലേ യാത്രികരുടെ പ്രിയപ്പെട്ട വിശ്രമകേന്ദ്രമാണ് സാര്ച്ചു. സാര്ച്ചുവിലെ റോഡുകള് ശീതകാലത്ത് മഞ്ഞുവീഴ്ചയെത്തുടര്ന്ന് അടച്ചിട്ടിരിക്കും. മെയ് മുതല് സെപ്തംബര് വരെയുള്ള മാസങ്ങളിലാണ് ഇത് തുറക്കുക.
ജൂണ് മുതല് സെപ്തംബര് വരെയുളള മാസങ്ങളില് ഇവിടെ ധാരാളം ആളുകള് എത്തുന്നു. താമസിക്കാന് ക്യാംപുകളും ഭക്ഷണസൗകര്യങ്ങളും ഇക്കാലത്ത് ലഭിക്കും. സന്സ്കാര് ഭാഗത്തെ ട്രക്കിംഗുകാരുടെ ബേസ് ക്യാംപ് കൂടിയാണ് സാര്ച്ചു.
വേനല്ക്കാലത്താണ് ഇവിടെ സഞ്ചരിക്കാന് സുഖകരം. 25 ഡിഗ്രി സെല്ഷ്യസായിരിക്കും ഇവിടെ ഇക്കാലത്ത് താപനില. ശീതകാലത്ത് കനത്ത തണുപ്പാണിവിടെ. മൈനസ് 35 ഡിഗ്രിവരെ അന്തരീക്ഷതാപനില താഴുന്നു.
ലേയിലൂടെ വിമാനമാര്ഗം ഇവിടെ എത്തിച്ചേരാം. 225 കിലോമീറ്റര് ്കലത്താണിത്. ജമ്മു റെയില്വേ സ്റ്റേഷനാണ് ട്രെയിന് യാത്രക്കാര്ക്ക് പറ്റിയത്. പക്ഷേ 550 കിലോമീറ്റര് ദൂരമുണ്ട് ഇവിടേക്ക്. മനാലിയില് നിന്ന ടാക്സിയിലോ സ്വന്തം വാഹനത്തിലോ സാര്ച്ചുവിലേക്ക് റോഡ് മാര്ഗം എത്തിച്ചേരാം.
