കേരളത്തില്‍ ക്രിസ്തുമതം പ്രചരിയ്ക്കാന്‍ തുടങ്ങിയ കാലത്ത് അതായത് എഡി 54ല്‍ പണിത സിറിയന്‍ ക്രിസ്ത്യാനികളുടെ ആരാധനാലയമാണിത്. മനോഹരമായ നിര്‍മ്മിതിയാണ് ഈ പള്ളി, പള്ളിയ്ക്കുള്ളിലെ ചുവര്‍ചിത്രങ്ങള്‍ അതിശയിപ്പിക്കുന്നവയാണ്. അള്‍ത്താരയുടെ കിഴക്കുഭാഗത്തെ ചുവരില്‍ ചെയ്തിരിക്കുന്ന ചിത്രങ്ങളാണ് ഏറെ മനോഹരം. ബൈബിളില്‍ നിന്നുള്ള ഒട്ടേറെ കഥകളും രംഗങ്ങളുമാണ് ചുവര്‍ചിത്രങ്ങളില്‍ പകര്‍ത്തിയിരിക്കുന്നത്.

ശ്രീവല്ലഭക്ഷേത്രവുമായി ചേര്‍ന്ന് പ്രവര്‍ത്തിക്കുന്നതാണ് ഈ ആരാധനാലയം. ശ്രീവല്ലഭക്ഷേത്രത്തിലെ ഉത്സവംനടക്കുന്ന അതേസമയത്താണ് ഇവിടുത്തെ പെരുന്നാളും നടക്കുന്നത്. ഏപ്രില്‍-മെയ്  മാസങ്ങളിലാണ് പത്തുദിവസം നീണ്ടുനില്‍ക്കുന്ന പള്ളിപ്പെരുന്നാല്‍ ആഘോഷം നടക്കുന്നത്. ഇക്കാലത്ത് തന്നെയാണ് ശ്രീവല്ലഭ ക്ഷേത്രത്തിലും ഉത്സവം നടക്കുന്നത്.