Click it and Unblock the Notifications
നെയ്യാര് ഡാമാണ് തിരുവനന്തപുരത്തെ ഒരു മനോഹരമായ കാഴ്ച. 1958 ലാണ് ഈ ഡാം പണിതീര്ത്തത്. നെയ്യാര്, മുല്ലയാര്, കല്ലാര് എന്നീ നദികളുടെ സംഗമസ്ഥാനത്താണ് നെയ്യാര് ഡാം സ്ഥിതിചെയ്യുന്നത്. നിരവധി അപൂര്വ്വമായ സസ്യജാലങ്ങളും ജീവിവര്ഗങ്ങളുമുള്ള ഈ പ്രദേശം തിരുവനന്തപുരത്തെ പ്രശസ്തമായ പിക്നിക് സെന്റര് കൂടിയാണ്.
ഇവിടത്തെ അന്തേവാസികളെ കാണാനായി ഒരു സഫാരിയും ഇവിടെയുള്ള വന്യജീവിസങ്കേതത്തിലാവാം. ഏഴുകിലോമീറ്റര് ദൂരത്തുള്ള ആനവളര്ത്തുകേന്ദ്രത്തിലെത്തി ഒരു ആനസവാരിക്കും ഇവിടെ സാധ്യതയുണ്ട്. തിരുവനന്തപുരം നഗരത്തില് നിന്നും 32 കിലോമീറ്റര് ദൂരമുണ്ട് നെയ്യാര് ഡാമിലേക്ക്.
