പുതുവർഷത്തിലേക്ക് കടക്കുവാൻ ഇനി കുറച്ചു ദിവസങ്ങളെ മുന്നിലുള്ളൂ. ആഘോഷങ്ങളുടെ പ്ലാനൊക്കെ നേരത്തെ കഴിഞ്ഞിട്ടുണ്ടാകുമെങ്കിലും ഇനിയും പ്ലാൻ ചെയ്യാത്തവർക്ക് ഒരു കിടിലൻ അവസരം വന്നിട്ടുണ്ട്. അതും ചെറിയ പരിപാടിയൊന്നുമല്ല.. പുതുവർഷത്തെ അതിനൊത്ത രീതിയിൽ സ്വാഗതം ചെയ്യുവാനായി പാർട്ടിയും ഗാനമേളയും ഡിജെയും എല്ലാം ഉൾപ്പെടുത്തി, കിടിലൻ ഡിന്നറും ഒരുക്കി ഒരു സൂപ്പർ പാക്കേജ്. ഇത് കൊണ്ടുവന്നിരിക്കുന്നത്, മറ്റാരുമല്ല, നമ്മുടെ കെഎസ്ആർടിസി തന്നെ. ഇതാ കെഎസ്ആർടിസി വാഗമണ്ണിൽ നടത്തുന്ന ന്യൂ ഇയർ ആഘോഷ രാവ് "Misty Night 2023" ആഘോഷത്തെക്കുറിച്ച് വിശദമായി വായിക്കാം
പുതുവർഷാഘോഷം വയനാട് യാത്രയിൽ
തിരുവനന്തപുരത്തു നിന്നുള്ളവർക്ക് ഇത്തവണത്തെ പുതുവർഷം വയനാട്ടിൽ ആഘോഷിക്കുവാൻ സാധിക്കുന്ന തരത്തിലൊരു പാക്കേജും നെയ്യാറ്റിന്കര കെഎസ്ആർടിസി ഒരുക്കുന്നു. സംബർ 30,31, ജനുവരി 1 തിയതികളാണ് യാത്ര. യാത്രാ, താമസം, പ്രവേശന ഫീസ്, ജംഗിൾ സഫാരി എന്നിവയെല്ലാം ഉൾപ്പെടെ 4400 രൂപയാണ് ടിക്കറ്റ് നിരക്ക്. പൂക്കോട് തടാകം, കുറുവാ ദ്വീപ്, ബാണാസുര സാഗർ, എടക്കൽ ഗുഹ, സൂചിപ്പറ വെള്ളച്ചാട്ടം , ജംഗിൾ സഫാരി തുടങ്ങിയവ യാത്രയിൽ ഉൾപ്പെടുത്തിയിട്ടുണ്ട്.
ബുക്കിങ്ങിന്: 9846067232.
വാഗമണ്ണിലേക്ക്
നെയ്യാറ്റിൻകര കെഎസ്ആർടിസിയും പുതുവർഷ യാത്രകളിലേക്ക് വാഗമണ്ണിനെയും ഉൾപ്പെടുത്തിയിട്ടുണ്ട്. പൈൻ ഫോറസ്റ്റ്. ഓഫ് റോഡിങ്, ക്യാംപിങ്ങ് എന്നിവ ചേരുന്നതാണ് പാക്കേജ്. ഡിസംബർ 31, ജനുവരി 1 തിയതികളാണ് യാത്രയുടേത്. യാത്രാ, ഓഫ്റോഡിങ്, ഭക്ഷണം താമസം, പ്രവേശനഫീസ് എന്നിവ ഉൾപ്പെടെ ടിക്കറ്റ് നിരക്ക് 2950 രൂപ. ബുക്കിങ്ങിന്:9846067232.