Click it and Unblock the Notifications
ഉഖരുല് ഉത്സവങ്ങള്
കൃഷിയെ ആശ്രയിച്ച് ജീവിക്കുന്ന ഉഖരുല് നിവാസികളുടെ ആഘോഷങ്ങളില് അധികവും വിതയ്ക്കലും കൊയ്ത്തുമായി ബന്ധപ്പെട്ടതാണ്. ഉഖരുലിലെ ആദിമ ഗോത്രനിവാസികളായ തങ്ഖുലുകള് ക്കിടയില് ഏറെ സ്വാധീനം ചെലുത്തുന്ന ആഘോഷങ്ങളില് ചിലതാണ്
ചുംഹ : നിറകതിരുകള് കൊയ്ത ആനന്ദവേളയില് നവംബര് - ഡിസംബര് മാസങ്ങളിലായാണ് ചുംഫ കൊണ്ടാടുന്നത്. പ്രധാനമായും ഇതൊരു നന്ദിപ്രകാശന മേളയാണ്. അമ്മയുടെ വിരുന്ന് എന്നും ഇതിനെ വിളിക്കാറുണ്ട്. ഗ്രാമീണ സ്ത്രീകള് ആചാരാനുഷ്ടാനങ്ങളില് മുഴുകിയും പുരുഷന്മാര് വീടിന് വെലിയിലുമായി രാത്രി ചിലവഴിക്കുന്നു.
ലുയിറ : വിത്ത് വിതയ്ക്കലുമായി ബന്ധപ്പെട്ട് ജനുവരി മുതല് മാര്ച്ച് വരെയുള്ള മാസങ്ങളിലാണ് ലുയിറ ആഘോഷിക്കുന്നത്. വിഭവസമൃദ്ധമായ സദ്യകളും ഉത്തേജക പാനീയങ്ങളും ആട്ടും പാട്ടുമായി ആഹ്ലാദഭരിതമാണ് ഈ ഉത്സവവേള.
ലോങ ഖമാങ് : ചുംഫ പോലെതന്നെ ഐശ്വര്യസമ്പൂര്ണ്ണമായ ഒരു വിളവെടുപ്പിനുള്ള നന്ദിസൂചകമായാണ് ലോങ ഖമാങ് കൊണ്ടാടുന്നത്. കുട്ടികളാണ് പ്രധാനമായും ഇതിന്റെ മുന്നിരയില്. കുടുംബങ്ങളുടെ ഒത്തുചേരലാണ് ഇതിന്റെ സവിശേഷത.
തിശാം : മണ്മറഞ്ഞ പിതൃക്കളുടെ സ്മരണാര്ത്ഥമാണ് എല്ലാ വര്ഷവും ജനുവരി മാസങ്ങളില് തിശാം ആചരിക്കുന്നത്. പൂര്വ്വികര്ക്ക് വേണ്ടിയുള്ള അനുഷ്ഠാനകര്മ്മങ്ങളില് നൃത്തവും ഉള്പെടും.
