Click it and Unblock the Notifications
മേഘാലയയിലെ രണ്ടാമത്തെ വലിയ ജില്ലായാണ് വെസ്റ്റ് ഗാരോ ഹില്സ്. ജനസംഖ്യയിലും രണ്ടാം സ്ഥാനത്ത് നില്ക്കുന്ന വെസ്റ്റ് ഗാരോ ഹില്സിന്റെ തലസ്ഥാനം ടൂറയാണ്. ഭൂരിഭാഗവും മലപ്രദേശമായ ജില്ലയുടെ അതിര്ത്തികളില് മാത്രമാണ് നിരപ്പായ പ്രദേശമുള്ളത്.
3714 ചതുരശ്ര കിലോമീറ്റര് വ്യാപിച്ചു കിടക്കുന്ന ജില്ലയുടെ അതിരുകള് വടക്ക്, വടക്ക് -പടിഞ്ഞാറ് ഭാഗത്ത് അസ്സാമിന്റെ ഗോല്പാര ജില്ലയും തെക്ക് പടിഞ്ഞാറ് ഭാഗത്ത് സൗത്ത് ഗാരോ ഗില്സ് ജില്ലയും തെക്ക് ഭാഗത്ത് ബംഗ്ലാദേശുമാണ്.
വെസ്റ്റ് ഗാരോ ഹില്സിലെ വിനോദ സഞ്ചാരം
നിരവധി വെള്ളച്ചാട്ടങ്ങളും ,തടാകങ്ങളും കൊടുമുടികളും, സ്വന്തമായി ജൈവമണ്ഡലവുമുള്ള വെസ്റ്റ് ഗാരോ ഹില്സ് പ്രകൃതി മനോഹരമായ ഭൂമിയാണ്. വിവിധ മലകളിലേയ്ക്കുള്ള ട്രക്കിങ് ആണ് വെസ്റ്റ് ഗാരോ ഹില്സ് വിനോദ സഞ്ചാരത്തിന്റെ പ്രധാന ആകര്ഷണം. ടൂറ കൊടുമുടി, നോക്റെക് ജൈവമണ്ഡലം, ചിബാഗ്രി പെല്ഗ വെള്ളച്ചാട്ടം, റോങ്ബാങ് എന്നിവയാണ് ഇവിടെ കാണാനുള്ള മനോഹരമായ ചില സ്ഥലങ്ങള്. സാസത്ഗ്രി ഗ്രാമം ഓറഞ്ച് തോട്ടങ്ങളാല് പ്രശസ്തമാണ്. പ്രകൃതി സൗന്ദര്യം ആസ്വദിക്കാന് ഏറ്റവും നല്ല സ്ഥലമാണ് ടൂറ. പുരാവസ്തു കേന്ദ്രങ്ങളാണ് രംഗപാണിയും ഭെയ്ത്ബാരിയും.
ഗാരോ ഹില്സിലെ പ്രധാന ഗോത്രവര്ഗക്കാര് ഗാരോസ് ആണ്. ടിബറ്റോ-ബര്മന് വംശത്തിലെ ബോഡോ കുടംബത്തിലേതാണ് ഗാരോസ്. സമൂഹത്തില് പെണ് പിന്തുടര്ച്ചാവകാശ സംവിധാനം നിലനില്ക്കുന്ന രാജ്യത്തെ അപൂര്വം ഗോത്രവര്ഗങ്ങളില് ഒന്നാണ് ഗാരോസ്.
വെസ്റ്റ് ഗാരോ ഹില്സില് എങ്ങനെ എത്തിച്ചേരാം
ജില്ലാ ആസ്ഥാനമായ ടൂറയാണ് ജില്ലയിലേയ്ക്കുള്ള പ്രധാന പ്രവേശന കവാടം. ഗുവാഹത്തിയില് നിന്നും 222 കിലോമീറ്ററും ഷില്ലോങ്ങില് നിന്ന് 309 കിലോമീറ്ററുമാണ് ടൂറയിലേയ്ക്കുള്ള ദൂരം.റോഡ് ഗതാഗതം വളരെ മികച്ചതാണ്. ടൂറയിലേയ്ക്ക് വിനോദ സഞ്ചാരികള്ക്ക് ബസ് മാര്ഗം വളരെ എളുപ്പം എത്തിച്ചേരാം.
കാലാവസ്ഥ
മേഘാലയയുടെ താഴ്ന്ന ഭാഗത്ത് സ്ഥിതി ചെയ്യുന്ന വെസ്റ്റ് ഗാരോ ഹില്സില് വര്ഷം മുഴുവന് ചൂടുള്ള കാലാവസ്ഥയാണ് അനുഭവപ്പെടുന്നത്. ശരാശരി 330 സെന്റീമീറ്റര് മഴയാണ് ഇവിടെ ലഭിക്കാറുള്ളത്. തെക്ക് പടിഞ്ഞാറന് വര്ഷകാലമാണ് ഇവിടം പ്രധാന മായി മഴലഭ്യമാക്കുന്നത്. ശൈത്യകാലവും ഇവിടെ വരണ്ടതായിരിക്കും. വേനല്ക്കാലത്ത് ഘടിനമായ ചൂടും ആയിരിക്കും. വെസ്റ്റ് ഗാരോ ഹില്സ് സന്ദര്ശിക്കാന് അനുയോജ്യമായ കാലയളവ് വര്ഷകാലത്തിന് ശേഷമുള്ള കാലയളവും ശൈത്യകാലവുമാണ്. മഴ ശമിക്കുന്നതിനൊപ്പം ചൂടും ഈര്പ്പവും കുറയും. ട്രക്കിങിനും പ്രകൃതി സൗന്ദര്യം ആസ്വദിക്കുന്നതിനും ഇക്കാലയളവ് അനുയോജ്യമാണ്. വെസ്റ്റ് ഗാരോ ഹില്സ് സന്ദര്ശിക്കുമ്പോള് ലളിതമായ കമ്പിളി വസ്ത്രങ്ങള് കരുതുന്നത് നല്ലതാണ്.
