ഹോം » സ്ഥലങ്ങൾ » ഭദ്ര » ആകര്‍ഷണങ്ങള്‍
  • 01ഭദ്ര വന്യജീവി സങ്കേതം

    ഭദ്ര വന്യജീവി സങ്കേതം

    ചിക്കമഗളൂരിലെത്തുന്ന യാത്രികര്‍ തീര്‍ച്ചായായും സന്ദര്‍ശിച്ചിരിക്കേണ്ട ഒരിടമാണ് ഭദ്ര വന്യജീവി സങ്കേതം. കര്‍ണാടക സംസ്ഥാനത്തിലെ ചിക്കമഗളൂരു ജില്ലയിലെ ഒരു പ്രധാനപ്പെട്ട വിനോദസഞ്ചാര കേന്ദ്രമാണിത്. ഭദ്ര നദിയുടെ പേരില്‍നിന്നാണ് വന്യജീവി സങ്കേതത്തിന് ഈ പേര് ലഭിച്ചത്. 490 സ്‌ക്വയര്‍ കിലോമീറ്ററില്‍ വ്യാപിച്ചുകിടക്കുന്നു ഭദ്ര വന്യജീവിസങ്കേതം. ജാഗര വാലി ഗെയിം റിസര്‍വ് പ്രദേശത്ത് 1951 ലാണ് ഭദ്ര വന്യജീവി സങ്കേതം ആരംഭിച്ചത്. ആദ്യം വന്യജീവി സങ്കേതമായിരുന്ന പ്രദേശത്തിന് ഭദ്ര വന്യജീവി സങ്കേതമെന്ന് പേരിട്ടത് 1974 ലാണ്. ഭദ്ര വന്യജീവി സങ്കേതം ടൈഗര്‍ പ്രൊട്ടക്ഷന്‍ പ്രോജക്ടില്‍ ഉള്‍പ്പെടുത്തിയിട്ടുള്ള കടുവ സംരക്ഷണ മേഖലയാണ്.

    മുത്തോടി ഫോറസ്റ്റ്, താനിഗെബിലു, ലക്കാവല്ലി, ഹെബ്ബീ എന്നീ വനപ്രദേശങ്ങളടങ്ങിയതാണ് ഭദ്ര വന്യജീവി സങ്കേതം. നാനാജാതി പക്ഷി മൃഗാദികളുടെ ആവാസകേന്ദ്രമാണ് ഭദ്ര വന്യജീവി സങ്കേതം. വിവിധതരം സസ്യവര്‍ഗ്ഗങ്ങളും മരങ്ങളും ഇവിടെ കാണാം. തേക്ക്, വീട്ടി, പ്ലാവ്, മുള എന്നിങ്ങനെ 120 ലധികം മരങ്ങള്‍ ഇവിടെയുണ്ട്. പുളളിപ്പുലി, കടുവ, കാട്ടുപോത്ത് തുടങ്ങിയ വന്യമൃഗങ്ങളെയും വിവിധതരം മാനുകളെയും ആനകളെയും ഇവിടെ കാണാന്‍ സാധിക്കും.

    കീരി, കാട്ടുപൂച്ച, നീര്‍നായ എന്നിവയും ഇവിടെ സുലഭമാണ്. തത്ത, മൈന, പ്രാവ്, കുളക്കോഴി, മാടപ്രാവ്, കാട, മരംകൊത്തി എന്നിങ്ങനെ 250 ലധികും പക്ഷികളും ഇവിടെയുണ്ട്. മുതലകളും രാജവെമ്പാലയടക്കമുള്ള പാമ്പുവര്‍ഗ്ഗങ്ങളും ഇവിടെ സുലഭമാണ്. അപൂര്‍വ്വങ്ങളില്‍ അപൂര്‍വ്വമായ ചിത്രശലഭങ്ങളുടെയും കേന്ദ്രമാണിവിടം.

    + കൂടുതല്‍ വായിക്കുക
  • 02ഭദ്രാവതി ഡാം

    ഭദ്രാവതി ഡാം

    ഭദ്രാവതി നഗരത്തിന് സമീപത്തായി ഭദ്ര നദിക്ക് കുറുകെയാണ് ഭദ്രാവതി ഡാം നിര്‍മിച്ചിരിക്കുന്നത്. ഭദ്ര റിവര്‍ പ്രൊജക്ട് ഡാം എന്നും ഭദ്രാവതി ഡാമിന് പേരുണ്ട്. ചിക്കമഗളുരുവിലെ പ്രധാനപ്പെട്ട ഒരു വിനോദസഞ്ചാര കേന്ദ്രമാണ് ഭദ്രാവതി ഡാം. കര്‍ണാടകത്തിലെ പ്രശസ്ത എന്‍ജിനീറായിരുന്ന ഭാരതരത്‌ന എം വിശ്വേശ്വരയ്യയാണ് ഭദ്രാവതി ഡാമിന്റെ നിര്‍മാണത്തിന് മേല്‍നോട്ടം വഹിച്ചത്. 194 അടി ഉയരമുണ്ട് ഈ ഡാമിന്.

    ഭദ്രാവതി നഗരത്തിലും പരിസരപ്രദേശങ്ങളിലും ജലസേചനത്തിനും കുടവെള്ളത്തിനുമുള്ള പ്രധാനപ്പെട്ട സ്രോതസ്സാണ് ഭദ്രാവതി ഡാം. മനോഹരമായ കാലാവസ്ഥയും പ്രകൃതിദൃശ്യങ്ങളുമാണ് ഭദ്രാവതി ഡാമിനെ സഞ്ചാരികള്‍ക്ക് പ്രിയപ്പെട്ടതാക്കുന്നത്. ലക്കാവലി ഗ്രാമത്തില്‍ സ്ഥിതിചെയ്യുന്നതിനാലാവണം ഭദ്രാവതി ഡാമിനെ ലക്കാവലി ഡാം എന്നും വിളിക്കാറുണ്ട്.

    + കൂടുതല്‍ വായിക്കുക
  • 03ഹല്ലാദമ്മ ദേവി ക്ഷേത്രം

    ഹല്ലാദമ്മ ദേവി ക്ഷേത്രം

    ചിക്കമഗളൂരിവിലെത്തുന്ന സഞ്ചാരികള്‍ കണ്ടിരിക്കേണ്ട ഒരു പ്രധാനപ്പെട്ട കാഴ്ചയാണ് ഹല്ലാദമ്മ ദേവി ക്ഷേത്രം. ഭദ്രാവതി നഗരത്തിന്റെ ഹൃദയഭാഗത്താണ് ഈ ക്ഷേത്രമെന്നുപറയാം. ആധുനിക നിര്‍മാണരീതിയും സൗകര്യങ്ങളും മറ്റുമായി മലനാട് ഭാഗത്തെ ഏറ്റവും വലിയ ക്ഷേത്രമാണ് ഇതെന്നാണ് കണക്കാക്കപ്പെടുന്നത്.

    + കൂടുതല്‍ വായിക്കുക
  • 04ജൈന ബസ്തി

    ജൈന ബസ്തി

    ചിക്കമഗളൂരു, ഭദ്രാവതി പ്രദേശങ്ങളില്‍ വിനോദസഞ്ചാരികളെ ആകര്‍ഷിക്കുന്ന ഒരു പ്രധാനപ്പെട്ട കാഴ്ചയാണ് ജൈന ബസ്തി. ഭദ്രാവതിയില്‍ എന്‍ എസ് ടി റോഡിന് സമീപത്തായാണ് ജൈന ബസ്തി സ്ഥിതചെയ്യുന്നത്.

    + കൂടുതല്‍ വായിക്കുക
  • 05ഭദ്രനദി

    ഭദ്രനദി

    ചിക്കമഗളൂരിലെത്തുന്ന യാത്രികര്‍ തീര്‍ച്ചായായും സന്ദര്‍ശിച്ചിരിക്കേണ്ട ഒരിടമാണ് ഭദ്രനദി. പശ്ചിമഘട്ടത്തിലുള്ള കുദ്രെമുഖിന് സമീപത്ത് ഗംഗെമലയില്‍ നിന്നാണ് ഭദ്രനദി ഉത്ഭവിക്കുന്നത്. ഡക്കാണ്‍ പീഠഭൂമിയുടെ തെക്കുവശം മുറിച്ച് കടന്ന് കിഴക്കുഭാഗത്തെക്ക് ഒഴുകുന്ന നദിയാണിത്. ഇവിടെവച്ച് ഇത് ഉപനദികളായ സോമവാഹിനി, തടബെഹല്ല, ഒടിരായനഹല്ല, ഹെബ്ബെ എന്നിവയുമായി കൂടിച്ചേരുന്നു. ലക്കാവവലിക്ക് സമീപത്തായാണ് ഭദ്രനദിക്ക് കുറുകെ ഡാം നിര്‍മിച്ചിരിക്കുന്നത്. തുടര്‍ന്ന് ഭദ്രാവതിയിലേക്ക് ഒഴുകുന്ന ഭദ്ര കൂട്‌ലിയില്‍ വച്ച് തുംഗ നദിയുമായി കൂടിച്ചേരുന്നു. ശിവമോഗയ്ക്ക് സമീപമുള്ള ഒരു ചെറുപട്ടണമാണ് കൂട്‌ലി.

    + കൂടുതല്‍ വായിക്കുക
  • 06ഭദ്രാവതിയിലെ മഠങ്ങള്‍

    ഭദ്രാവതിയിലെ മഠങ്ങള്‍

    സഞ്ചാരികള്‍ക്ക് വ്യത്യസ്തമായ അനുഭവങ്ങള്‍ പകര്‍ന്നുനല്‍കുന്നതായിരിക്കും ഭദ്രാവതിയിലെ മഠങ്ങള്‍. ഭദ്ര നദിയുടെ കരയിലായി നിരവധി മഠങ്ങളുണ്ട് ഇവിടെ. സുന്നദ ഹാള്‍, ഗാന്ധി, ശാരദ, കുന്ത്‌ലി & ശങ്കര്‍ തുടങ്ങിയവയാണ് ഇവയില്‍ പ്രശസ്തമായ മഠങ്ങള്‍.

    + കൂടുതല്‍ വായിക്കുക
  • 07ശിവലിംഗം

    ശിവലിംഗം

    ഭദ്രാവതിയിലെ ഏറ്റവും വലുപ്പമേറിയ ശിവലിംഗമാണിത്. ഭദ്രാവതിയിലെത്തുന്ന സഞ്ചാരികള്‍ ഈ ശിവലിംഗം സന്ദര്‍ശിക്കുക സാധാരണമാണ്.

    + കൂടുതല്‍ വായിക്കുക
  • 08ലക്ഷ്മി നാരായണ ക്ഷേത്രം

    ലക്ഷ്മി നാരായണ ക്ഷേത്രം

    പതിമൂന്നാം നൂറ്റാണ്ടില്‍ ഹൊയ്‌സാലരുടെ ഭരണകാലത്താണ്  ലക്ഷ്മി നാരായണ ക്ഷേത്രം നിര്‍മിക്കപ്പെട്ടത്. ഭദ്രാവതിയിലെ പ്രധാനപ്പെട്ട ആകര്‍ഷണങ്ങളിലൊന്നാണ് ഇത്. വിഷ്ണുവര്‍ദ്ധന്റെ പൗത്രനായിരുന്ന വീര നരസിംഹനാണ് ഈ ക്ഷേത്രം പണികഴിപ്പിച്ചത്. നക്ഷത്രശൈലിയില്‍ പണിതീര്‍ത്തിരിക്കുന്ന ലക്ഷ്മി നാരായണ ക്ഷേത്രത്തിലെ പ്രധാന പ്രതിഷ്ഠ മഹാവിഷ്ണുവാണ്. നാലാമത്തെ അവതാരമായ നരസിംഹരൂപത്തിലാണ് വിഷ്ണു ഇവിടെ. ശ്രീകൃഷ്ണന്‍, പുരുഷോത്തമന്‍, ഗണപതി, ശാരദാംബ തുടങ്ങിയ മൂര്‍ത്തികളുടെ വിഗ്രഹങ്ങളും ഇവിടെ കാണാം.

    മൂന്ന് ഗോപുരങ്ങളുള്ള ഈ ക്ഷേത്രത്തിന് ത്രിക്കുടച്ചാല്‍ എന്നൊരു പേരുകൂടിയുണ്ട്. ചുറ്റുമതിലിന് സമീപത്തായി ധ്വജസ്തംഭവും പീഠത്തില്‍ ഉറപ്പിച്ച നിലയില്‍ കരിങ്കല്‍ത്തൂണും കാണാം. ഹൊയ്‌സാല നിര്‍മാണശൈലിയില്‍ മനോഹരമായ കൊത്തുപണികളും ചിത്രരചനകളും ക്ഷേത്രത്തില്‍ കാണാം. കര്‍ണാടക പുരാവസ്തു വകുപ്പിന്റെ മേല്‍നോട്ടത്തിലാണ് ലക്ഷ്മി നാരായണ ക്ഷേത്രം ഇപ്പോള്‍.

    + കൂടുതല്‍ വായിക്കുക
One Way
Return
From (Departure City)
To (Destination City)
Depart On
20 Feb,Tue
Return On
21 Feb,Wed
Travellers
1 Traveller(s)

Add Passenger

  • Adults(12+ YEARS)
    1
  • Childrens(2-12 YEARS)
    0
  • Infants(0-2 YEARS)
    0
Cabin Class
Economy

Choose a class

  • Economy
  • Business Class
  • Premium Economy
Check In
20 Feb,Tue
Check Out
21 Feb,Wed
Guests and Rooms
1 Person, 1 Room
Room 1
  • Guests
    2
Pickup Location
Drop Location
Depart On
20 Feb,Tue
Return On
21 Feb,Wed