ഭദ്രാചലം പട്ടണത്തില് നിന്ന് 32 കിലോമീറ്റര് അകലെയായിട്ടാണ് പര്ണശാല ഗ്രാമം സ്ഥിതിചെയ്യുന്നത്. ഖമ്മം ജില്ലയുടെ ഭാഗമായ ദുമ്മുഗുഡം മണ്ഡലത്തിന്റെ പരിധിയിലാണ് ഈ ഗ്രാമം. ശ്രീരാമ ചരിതത്തിലെ പ്രധാന കാണ്ഠമായ വനവാസത്തിന്റെ ഭൂമിക എന്ന നിലയില് ഈ സ്ഥലം വിശ്വാസികള്ക്ക് ഒഴിവാക്കാനാവാത്തതാണ്.
പത്നി സീതയും സഹോദരന് ലക്ഷ്മണനുമൊത്ത് 14 വര്ഷത്തെ ആരണ്യവാസത്തിന് ഈ കാനനം സാക്ഷിയാണെന്ന് ഐതിഹ്യങ്ങള് പറയുന്നു. സീതയ്ക്ക് തങ്ങാന് കാട്ടിലൊരു ആശ്രമം രാമന് പണിതു. ഗ്രാമത്തിനരികിലൂടെ ഒരരുവി ഒഴുകുന്നുണ്ട്. സീതാദേവിയുടെ സ്നാനവും വസ്ത്രങ്ങള് അലക്കിയിരുന്നതും ഈ അരുവിയില് ആയിരുന്നെന്ന് വിശ്വസിക്കപ്പെടുന്നു. ഇവിടെനിന്ന് കിട്ടിയ ചില മുദ്രണങ്ങള് ഈപുരാവൃത്തത്തെ സാക്ഷ്യപ്പെടുത്തുന്നുണ്ട്.