പാറ കൊത്തിയുണ്ടാക്കിയ ഈ ഗുഹകള്‍ കാലത്തെ അതിജയിച്ച് ഇന്നും നിലകൊള്ളുന്നു. മൌര്യസാമ്രാജ്യത്തോളം പഴക്കമുണ്ട് ഇവയ്ക്ക്. പൂര്‍ണ്ണമായും ഗ്രാനൈറ്റില്‍ രാകിയുണ്ടാക്കിയ രണ്ട് അറകള്‍ വീതം ഓരോ ഗുഹയിലുമുണ്ട്. നന്നായി മിനുക്കിയ നിലങ്ങളോട് കൂടിയ അകത്തളത്തില്‍ ശബ്ദങ്ങള്‍ പ്രതിധ്വനിക്കുമെന്ന പ്രത്യേകതയുണ്ട്.

കരന്‍ ചൌപാര്‍ , ലൊമാസ് റിഷി, സുദമ, വിശ്വസോപ്രി എന്നിങ്ങനെ അറിയപ്പെടുന്ന നാല് പ്രധാന ഗുഹകള്‍ക്ക് പ്രാചീനകാലത്തിന് അന്യമായ കമാന നിര്‍മ്മിതികളുണ്ട്. പാറ കൊത്തിയുണ്ടാക്കുന്ന നിര്‍മ്മാണ ചാതുരിക്ക് ഉത്തമ ഉദാഹരണങ്ങളാണ് ഈ ഗുഹകള്‍ .