ചാമ്പൈയില് നിന്നും 65 കിലോമീറ്റര് അകലെയുള്ള അതിമനോഹരമായ വെള്ളച്ചാട്ടമാണ് ഫിയാറാ തൂയ്.മീസ്സോ വിഭാഗം വളരെ പ്രധാന്യത്തോടെ കണ്ട് വെള്ലച്ചാട്ടമായിരുന്നു ഇത്.ഇവിടത്തെ ജലത്തിന്റെ വിശുദ്ധിയും മധുരവും മീസ്സോ കവിതകളിലും കൃതികളിലും പഴങ്കഥകളിലുമെല്ലാം വര്ണ്ണിക്കുന്നുണ്ട്.
ഈ വെള്ളച്ചാട്ടത്തിന്റെ പിറവിയ്ക്ക് കാരണമായി ഇവിടത്തുകാര് ഒരു പഴങ്കഥ പറയാറുണ്ട്.അതിങ്ങനെയാണ്, ഇവിടെ മുന്പുണ്ടായിരുന്ന ലാംസിയാല് ഗ്രാമത്തില് പണ്ട് ഫിയാറാ എന്ന പേരില് ഒരു അനാഥന് ജീവിച്ചിരുന്നു.ലജ്ജാലുവായ ആ ആണ്കുട്ടി ആളുകളെ കാണാതിരിക്കാന് ഗ്രാമത്തിലെ പൊതുകിണറില് നിന്നും വെള്ളമെടുത്തിരുന്നത് രാത്രിയലും പുലര്ച്ചെയിലുമൊക്കെയായിരുന്നു. ഒരു ദിവസം ഒരു കല്ലിനടിയില് ഒരു ചെറുനീരുറവ ഈ കുട്ടിയുടെ ശ്രദ്ധയില് പെട്ടു.ആ വെള്ളം നല്ല തണുപ്പുള്ളതും ശുദ്ധവും ഒപ്പം മധുരമുള്ളതുമായിരുന്നു.പിന്നീട് ഈ നീരുറവ പ്രശസ്തമായി.ഈ നീരുറവയിലെ വെള്ളത്തിന് സൌന്ദര്യം വര്ധിപ്പിക്കാന് വരെ ശക്തിയുണ്ടെന്നാണ് ഇവിടുത്തുകാരുടെ വിശ്വാസം.
ഐസാവലില് നിന്നും സാധാരണ ബസ്സില് 3 മണിക്കൂറിനുള്ളില് ഫര്ഖ്വന് ഗ്രാമത്തിലെത്തിയാല് അതിനു തൊട്ടടുത്തുള്ള ഈ നീരുറവ സന്ദര്ശിക്കാം.