കോയമ്പത്തൂരിന് സമീപമുള്ള പേരൂര് എന്ന സ്ഥലത്താണ് പട്ടീശ്വരര് ക്ഷേത്രം സ്ഥിതിചെയ്യുന്നത്. ശിവനെയാണ് പട്ടീശ്വരര് എന്ന പേരില് ഇവിടെ ആരാധിച്ചുപോരുന്നത്. പാര്വ്വതിയുടെ പ്രതിഷ്ഠയുമുണ്ട് ക്ഷേത്രത്തില്. നൊയ്യല് നദിയില് നിന്ന് 7 കീലോമീറ്റര് മാറിയാണ് ക്ഷേത്രം സ്ഥിതിചെയ്യുന്നത്. പല്ലയാകാരര് രാജാക്കന്മാരാണ് ഈ ക്ഷേത്രം പണികഴിപ്പിച്ചത്. കോയമ്പത്തൂരിലെ ഏറ്റവും പ്രധാനപ്പെട്ട ക്ഷേത്രമാണിത്.
കോയമ്പത്തൂരിലെ ജനങ്ങളില് ഏറിയകൂറും ശിവഭക്തരാണ്. അതുകൊണ്ടുതന്നെ ഈ ക്ഷേത്രത്തിന് ജനങ്ങള് ഏറെ പ്രാധാന്യം കല്പ്പിക്കുന്നുണ്ട്. ക്ഷേത്രപരിസരത്തുള്ള വലിയ പ്രതിമകള് ആരുടെയും ശ്രദ്ധയാകര്ഷിക്കുന്നതാണ്. മതപരമായി മാത്രമല്ല ചരിത്രപരമായും ഏറെ പ്രാധാന്യമുള്ള ക്ഷേത്രമാണിത്. കാച്ചിയപ്പ മുനിവര്, അരുണഗിരി നാഥര് എന്നിവരുടെ കവിതകളില് ഈ ക്ഷേത്രത്തിന്റെ ചരിത്രപ്രാധാന്യത്തെക്കുറിച്ച് പ്രതിപാദിച്ചിട്ടുണ്ട്.