ഫിറോസ്പൂരില് നിന്നും 36 കിലോമീറ്റര് അകലെ സിറയിലാണ് മനോഹരമായ ഈ ജൈനക്ഷേത്രമുള്ളത്. ഇരുപത്തി മൂന്നാം തീര്ത്ഥങ്കരനായ പാര്സവനാഥിനായി 1980 ല് പണികഴിപ്പിച്ച ക്ഷേത്രമാണിത്. 1200 വര്ഷങ്ങള് പഴക്കമുള്ള ബ്രാസില് നിര്മ്മിച്ച അതിപുരാതനമായ വിഗ്രഹങ്ങളാണ് ഈ ക്ഷേത്രത്തിന്റെ പ്രധാന പ്രത്യേകത. ഇവിടത്തെ പ്രധാന വിഗ്രഹം ഗുജറാത്തിലെ പാലിത്തനയില് നിന്നും വരുത്തിച്ചതാണ്.
ക്ഷേത്രത്തിലെ മൂര്ത്തിയായ ജൈന തീര്ത്ഥങ്കരന്റെ ജീവിതം ക്ഷേത്രത്തിന്റെ ചുവരുകളില് ആലേഖനം ചെയ്തിട്ടുണ്ട്. മൂന്നു നിലകളായുള്ള ഈ മനോഹരക്ഷേത്രം ഫിറോസ്പൂരിലെ പ്രധാന കാഴ്ച്ചകളിലൊന്നാണ്.