Click it and Unblock the Notifications
ഹൈദരാബാദ്-ബാംഗ്ളൂര് ഹൈവേയില് നെഹ്റു സുവോളജിക്കല് പാര്ക്കിന് സമീപം സ്ഥിതി ചെയ്യുന്ന കൃത്രിമതടാകമാണ് മിര് ആലം ടാങ്ക്. 1804ല് ഹൈദരാബാദിന്െറ പ്രധാനമന്ത്രിയായിരുന്ന മിര് ആലം ബഹാദൂര് കമീഷന് ചെയ്ത ഈ തടാകത്തില് നിന്നാണ് ഹിമായത്ത്സാഗര് തടാകവും ഹുസൈന്സാഗര് തടാകവുമെല്ലാം വരുന്നതിന് ഹൈദരാബാദ് നിവാസികള്ക്ക് കുടിക്കാനും മറ്റ് ആവശ്യങ്ങള്ക്കുമുള്ള വെള്ളം എടുത്തിരുന്നത്.
മൂന്നാമത്തെ നൈസാമായിരുന്ന മിര് അക്ബര് അലിഖാന് സിക്കന്ദര് ജാ ആസിഫ് ജാ ആയിരുന്നു ഈ സമയം ഭരണാധികാരി. ടിപ്പുസുല്ത്താനെ തോല്പ്പിച്ച ശേഷം മിര് ആലമിന്െറ നേതൃത്വത്തിലുള്ള പട്ടാളം ശ്രരംഗപട്ടണത്ത് നിന്ന് കൈവശപ്പെടുത്തിയ നിധിശേഖരം ഉപയോഗിച്ചാണ് തടാകം നിര്മിച്ചതെന്നാണ് ചരിത്രം. ഏതാണ്ട് രണ്ട്വര്ഷമാണ് തടാകത്തിന്െറ നിര്മാണത്തിന് വേണ്ടിവന്നത്.
