സെക്കന്തരാബാദില് നിന്ന് 20 കിലോമീറ്റര് അകലെയുള്ള ഷാമിര്പേട്ടിലാണ് ബിര്ള ഇന്സ്റ്റിറ്റ്യൂട്ട് ഓഫ് ടെക്നോളജി, നല്സാര് യൂനിവേഴ്സിറ്റി ഓഫ് ലോ,ജെനോം വാലി തുടങ്ങിയ പ്രശസ്ത വിദ്യാഭ്യാസ സ്ഥാപനങ്ങള് സ്ഥിതി ചെയ്യുന്നത്. നൈസാമുമാരുടെ ഭരണകാലത്ത് നിര്മിച്ച ഷാമിര്പേട്ട് കൃത്രിമതടാകവും ഇവിടെയാണ്.
വിനോദസഞ്ചാരികളുടെ ഇഷ്ടകേന്ദ്രമായ ഈ തടാകകരയില് തനത് ഹൈദരാബാദി വിഭവങ്ങള് ലഭിക്കുന്ന റസ്റ്റോറന്റുകളുമുണ്ട്. തടാകരയില് ഒരു ക്ളബ്ബും ലക്ഷ്വറി റിസോര്ട്ടും ഉണ്ട്. മാന് പാര്ക്കാണ് ഇവിടത്തെ മറ്റൊരു ആകര്ഷണം. മയില് അടക്കം നിരവധി പക്ഷികളും ഇവിടെയുണ്ട്. ഷാമിര്പേട്ട് തടാകത്തിന് സമീപമുള്ള ഈ പാര്ക്കിലും സമീപത്തെ തടാകകരയിലും നിരവധി തെലുങ്കുചിത്രങ്ങള് ചിത്രീകരിച്ചിട്ടുണ്ട്.