കന്ധമാലിന്റെ ഭരണസിരാകേന്ദ്രമാണ് ഫൂല്ബനി. ഈ പ്രദേശത്തിലെ ഉയര്ന്ന് നില്ക്കുന്ന മലനിരകളിലും കന്യാവനങ്ങളിലും വിവിധ ജാതികളില് പെട്ട സസ്യജ്ജന്തുജാലങ്ങള് സമൃദ്ധമായുണ്ട്. ചെറുതും വലുതുമായ ഒരുപാട് വെള്ളച്ചാട്ടങ്ങള് സന്ദര്ശകര്ക്ക് ഇവിടെ കാണാം. ഹരിതവനങ്ങള്ക്കും മലകള്ക്കുമിടയിലൂടെ ഒഴുകുന്ന അക്ഷയ നദിയായ സാലുങ്കിയാണ് ഈ വെള്ളച്ചാട്ടങ്ങളില് പലതിന്റെയും കാരണഹേതു. നിഗൂഢമായ സാലുങ്കി നദിക്ക് കുറുകെ പണിതിട്ടുള്ള ‘പിലാ സാലുങ്കി’ ഡാം ഹരിത വൃക്ഷങ്ങളാല് വലയം ചെയ്ത രമണീയമായ പ്രദേശമാണ്. ഈ സ്ഥലം ആളുകളുടെ ഇഷ്ടപ്പെട്ട വിനോദസഞ്ചാരകേന്ദ്രവുമാണ്.
സാലുങ്കി നദിയെ ചുറ്റിപറ്റി കുറെ പ്രേതകഥകളുണ്ട്. പുഴയുടെ കരയിലും കുന്നിന്മേടുകളിലും താമസിക്കുന്ന ഗോത്രനിവാസികള്ക്ക് കാത് കൊടുത്താല് ഈ രസകരമായ കഥകള് ആര്ക്കും കേള്ക്കാം. പ്രകൃതിഭംഗിയെ കാമിക്കുന്നവര്ക്ക് ഇവിടെ വന്ന് ഈ അനുഗ്രഹീത സൌന്ദര്യം ആവോളം നുകരാം. പാറക്കുന്നുകളും ഉയരത്തില് വളര്ന്നുനില്ക്കുന്ന മരങ്ങളും വലയം ചെയ്ത് കുണ്ടും കുഴിയും നിറഞ്ഞ റോഡുകളാണ് ഫൂല്ബനിയിലേക്കുള്ളത്.