നാഗാലാന്ഡിലെ ചെറുപട്ടണങ്ങളില് ഒന്നാണ് കിഫൈര്. നാഗാലാന്ഡിലെ ഏറ്റവും ഉയരം കൂടിയ കൊടുമുടികളില് ഒന്നായ സാരമാതി പര്വതത്തിന് സമീപത്തായാണ് ഈ പട്ടണം സ്ഥിതി ചെയ്യുന്നത്. 2004ല് ട്യുയെന്സാങ് ജില്ലയില് നിന്നും വിഭജിച്ചുണ്ടായ പുതിയ ജില്ലയുടെ പേരും കിഫൈര് എന്നു തന്നെയാണ്. നാഗാലാന്ഡിലെ ഒമ്പതാമത്തെ ജില്ലയാണിത്. വടക്ക് ട്യുയെന്സാങ് ജില്ലയും പടിഞ്ഞാറ് ഫെക് ജില്ലയും കിഴക്ക് മ്യാന്മാറും ആണ് കിഫൈറിന്റെ അതിര്ത്തികള്. നാഗാലാന്ഡിന്റെ തലസ്ഥാനമായ കൊഹിമയില് നിന്നും 239 കിലോമീറ്റര് അകലെയാണ് കിഫൈര് സ്ഥിതി ചെയ്യുന്നത്.
യിംചുന്ഗെര്, ഖിയാംനിയന്ഗാന്, ഫോം, സങ്താംസ്,സുമിസ് തുടങ്ങിയ നാഗ വംശജരാണ് കിഫൈറില് വസിക്കുന്നത്. വാല്ഫുര് ഗ്രാമത്തിന് സമീപമുള്ള കെമെഫു എന്ന സ്ഥലത്തുനിന്നുള്ളവരാണ് യിംചുങ്കേഴ്സ് എന്നാണ് നാടോടി കഥകളില് പറയുന്നത്.
കിഫൈര് & സരമാതി- മനോഹരമായ യോജിപ്പ്
നാഗാലാന്ഡിലെ ഏറ്റവും ഉയരം കൂടിയ കൊടുമുടിയായ സാരാമാതി പര്വതങ്ങളിലേയ്ക്ക് എത്തി നോക്കി നില്ക്കുന്ന കിഫൈറിന്റെ പ്രകൃതി ഭംഗി സന്ദര്ശകരെ അമ്പരിപ്പിക്കുന്നതാണ്. സമുദ്ര നിരപ്പില് നിന്നും 3841 മീറ്റര് ഉയരത്തിലുള്ള പര്വ ശിഖരങ്ങള് ശൈത്യകാലത്ത് പൂര്ണമായി മഞ്ഞ് മൂടി കിടക്കുകയായിരിക്കും. സരമാതിയാണ് ഈ ചെറുപട്ടണത്തെ സംരക്ഷിക്കുന്നതെന്നാണ് പറയപ്പെടുന്നത്.
കിഫൈറിലെ പ്രകൃതി ദൃശ്യങ്ങള്
ഫക്കിം വന്യജീവി സങ്കേതം, സലോമി,മിമി ഗുഹകള് എന്നിവയാണ് കിഫൈറില് പ്രധാനമായി കാണാനുള്ളത്. ലവേഴ്സ് പാരഡൈസും, സുഖയാപ് പാറചെരുവും പ്രധാന വിനോദ സഞ്ചാര കേന്ദ്രങ്ങളാണ്. കിഫൈറിന് സമീപമുള്ള സിമി ഗ്രാമം സന്ദര്ശിക്കുകയാണെങ്കില് ഒരിക്കലും നിലയ്ക്കാത്ത വവാദെ വെള്ളച്ചാട്ടവും ഇരട്ട പാറകളും കാണാന് കഴിയും. സങ്ഫൂര് അഥവ സിഫിയില് ഒരു പഴയ സങ്തം ഗോത്ര ഗ്രാമം ഉണ്ട്. ഇവിടെ പ്രശസ്തമായോരു നിങ്ത്സലോങ് എന്നറിയപ്പെടുന്ന ഒറ്റക്കല് സ്ഥാപിച്ചിട്ടുണ്ട്.