Click it and Unblock the Notifications
മധ്യപ്രദേശിലെ ഖാര്ഗോണ് ജില്ലയിലാണ് മാഹേശ്വര് എന്ന മനോഹരമായ ഗ്രാമം സ്ഥിതിചെയ്യുന്നത്. കൈത്തറി വസ്ത്രങ്ങള്ക്കും മഹത്തായ സാംസ്കാരിക പാരമ്പര്യത്തിനും പേരുകേട്ട നാടാണ് ഇത്.
മാഹേശ്വറിലെ വിനോദസഞ്ചാര കേന്ദ്രങ്ങള്
പൈതൃകക്കെട്ടുകളുടെ കുത്തൊഴുക്കാണ് മാഹേശ്വര് ടൂറിസം എന്നുപറഞ്ഞാല് അത് അധികമാകില്ല. കോട്ടകള്, കൊട്ടാരങ്ങള്, ക്ഷേത്രങ്ങള് എന്നിങ്ങനെ പോകുന്നു മാഹേശ്വറിലെ കാഴ്ചകള്. മനോഹരമായ നിര്മിതികള് കൊണ്ട് ആകര്ഷകമായ കാഴ്ചകള് നിരവധിയുണ്ട്.
മാഹേശ്വറിലെ ഉത്സവങ്ങള്
മഹേശ്വരന്റെ നാട് എന്നാണ് മാഹേശ്വര് എന്ന പേരിന് അര്ത്ഥം. പേരുപോലെ തന്നെ നിരവധി ശിവക്ഷേത്രങ്ങളാണ് മാഹേശ്വറില് കാണാനുള്ളത്. ഏറെ കാലം മുമ്പ് തന്നെ നിരവധി ഭക്തര് തീര്ത്ഥാടനത്തിനെത്തുന്ന പുണ്യസ്ഥലമാണ് മാഹേശ്വര്. പവിത്രമായ നര്മദ നദിയിലെ സ്നാനത്തിന് ശേഷം ഭക്തര് ക്ഷേത്രങ്ങളില് തൊഴാനെത്തുന്നു. മഹാമൃത്യുഞ്ജയ രഥയാത്ര, ഗണേശോത്സവം, നവരാത്രി എന്നിവയും ഇവിടെ വളരെ ആഘോഷമായി കൊണ്ടാടുന്നു.
മാഹേശ്വറില് എങ്ങനെയെത്താം
ഇന്ഡോറില് നിന്നും കേവലം 3 കിലോമീറ്റര് മാത്രം അകലത്തിലാണ് മാഹേശ്വര്. മധ്യപ്രദേശിലെ പ്രധാന നഗരങ്ങളില് നിന്നും ബസ് മാര്ഗമാണ് മാഹേശ്വറിലെത്താന് ഏറ്റവും അനുയോജ്യം. തണുപ്പുകാലത്താണ് മാഹേശ്വര് സന്ദര്ശനത്തിന് ഏറ്റവും നല്ലത്. മാഹേശ്വരി കോട്ടണ് സാരികള് വാങ്ങാന് മറക്കില്ലല്ലോ.
