Click it and Unblock the Notifications
പ്രസന്നമായ കാലാവസ്ഥ കൊണ്ടും പ്രകൃതി മനോഹരമായ സ്ഥലങ്ങള് കൊണ്ടും പ്രശസ്തമായ വിനോദ സഞ്ചാര കേന്ദ്രമാണ് നവാന്ശഹര്. ഈവിടുത്തെ ഭൂമിയുടെ ഭംഗിയും വളക്കൂറും കൂട്ടുന്നതില് സത്ലജ് നദിയുടെ സ്ഥാനം വളരെ വലുതാണ്. മുമ്പ് നൗസാര് എന്നറിയപ്പെട്ടിരുന്ന നവാന്ശഹറിന് അഫ്ഗാന് സൈനിക തലവനായിരുന്ന നൗഷേര് ഖാനില് നിന്നാണ് ഈ പേര് ലഭിക്കുന്നത്. അലാവുദ്ദീന് ഖില്ജിയുടെ കാലയളവില് ( 1295-1316) നഗരം നിര്മ്മിക്കുന്നത് അദ്ദേഹമാണ്. 2008 ല് പഞ്ചാബ് മുഖ്യമന്ത്രിയായ പക്രാശ് സിങ് ബാദല് നവാന്ശഹറിന്റെ പേര് ഔദ്യോഗികമായി സഹീദ് ഭഗത്സിങ് നഗര് എന്നാക്കി മാറ്റി. നവാന്ശഹറിലെ പ്രധാന വിനോദ സഞ്ചാര കേന്ദ്രങ്ങള്
നവാന്ശഹറിലെ വിനോദ സഞ്ചാരം സമ്പന്നമാക്കുന്ന നിരവധി സ്ഥലങ്ങള് ഇവിടെയുണ്ട്. നൗഷേര് ഖാന് നിര്മ്മിച്ച അഞ്ച് കോട്ടകള് അഥവ ഹവേലി,ഗുരുദ്വാര നാനാക്സാര്, ഗുരുദ്വാര ഗുര്പ്രതാപ് ,സനേഹി ക്ഷേത്രം, നഭ്് കന്വാള്, കൃപാല് സാഗര് , ഗുരുദ്വാര ഗുരുപാല(സോത്രന്) തുടങ്ങിയ പ്രമുഖ ഗുരുദ്വാരകള് ഇവിടയുണ്ട്. നവാന്ശഹറിലെത്തിയാല് ഇവിടുത്തെ സ്ഥലങ്ങള്ക്ക് പുറമെ സമീപത്തുള്ള വിനോദ സഞ്ചാരകേന്ദ്രങ്ങളായ ജലന്ധര്,ലുധിയാന,ഹോഷിയാര്പൂര്, സിംല എന്നിവയും സന്ദര്ശിക്കാം.
എങ്ങനെ എത്തിച്ചേരാം
സമീപ നഗരങ്ങളില് നിന്നെല്ലാം റോഡ്, റയില് മാര്ഗം നവാന്ശഹറിലെത്തിച്ചേരാം. ലുധിയാനയിലെ സഹ്നേവാള് വിമാനത്താവളമാണ് സമീപത്തുള്ളത്. ഒരു മണിക്കൂറില് താഴെ മതി ഇവിടേയ്ക്കെത്താന്.
സന്ദര്ശനത്തിന് അനുയോജ്യമായ കാലയളവ്
ചൂട് കൂടിയ വേനല്ക്കാലം, തണുത്ത ശൈത്യം, ഈര്പ്പമുള്ള വര്ഷകാലം എന്നിങ്ങനെയാണ് നവാന്ശഹറില് അനുഭവപ്പെടുന്നത്. ഒക്ടോബര് മുതല് മാര്ച്ച് വരെയുള്ള കാലയളവാണ് സന്ദര്ശനത്തിന് അനുയോജ്യം.
