Click it and Unblock the Notifications
രാജസ്ഥാനിലെ പിലാനിയിലെ പ്രധാനപ്പെട്ട ടൂറിസ്റ്റ് ആകര്ഷണങ്ങളിലൊന്നാണ് പഞ്ചവടി. പിലാനിയിലെ ബിര്ല ട്രസ്റ്റാണ് ഇത് നോക്കിനടത്തുന്നത്. വനവാസക്കാലത്ത് ശ്രീരാമന് താമസിച്ചിരുന്നതായി രാമായണത്തില് വിവരിക്കപ്പെടുന്നത് ഈ പഞ്ചവടിയാണ് എന്നാണ് വിശ്വാസം. നിരവധി മരങ്ങള് നിറഞ്ഞ ഒരു വനപ്രദേശമാണ് ഈ സ്ഥലം.
വനമധ്യത്തിലായി രാമായണത്തിലെ കഥാപാത്രങ്ങളായ രാമന്, സീത, ലക്ഷ്മണന്, ഹനുമാന് തുടങ്ങിയവരുടെ രൂപങ്ങള് ഉണ്ടാക്കിയിരിക്കുന്നതായി കാണാം. രാമനും മറ്റും ജീവിച്ചിരുന്നതായും നമ്മള് അക്കാലത്തെ പഞ്ചവടിയിലാണ് ശരിക്കും എന്നും മറ്റും തോന്നിപ്പിക്കുന്ന തരത്തിലാണ് പഞ്ചവടി നിര്മിച്ചിരിക്കുന്നത്. പിലാനിയിലെത്തുന്ന സഞ്ചാരികള് കാണാതെ പോകരുതാത്ത ഒരു കാഴ്ചയാണ് പഞ്ചവടി.
