Click it and Unblock the Notifications
സിബ്സാഗര് അഥവാ ബോര്പുഖുരി എന്ന് ദേശവാസികള്ക്കിടയില് അറിയപ്പെടുന്ന സിബ്സാഗര് തടാകമാണ് ഇവിടത്തെ ഏറ്റവും ഹൃദ്യമായ കാഴ്ച. പട്ടണത്തിന് ഈ പേര് ലഭിച്ചതിന് കാരണം തന്നെ ഈ തടാകമാണ്. ശിവഭഗവാന്റെ സമുദ്രം എന്നാണ് ഈ സ്ഥലനാമത്തിന്റെ അര്ത്ഥം. പട്ടണത്തിന്റെ ഇതര ഭാഗങ്ങളെ അപേക്ഷിച്ച് ഉയര്ന്ന് നില്ക്കുന്ന ഈ തടാക വിതാനത്തിന്റെ വിസ്തൃതി 257 ഏക്കറാണ്. ഇതിന്റെ കരയിലായി മൂന്ന് ടോലുകള് അഥവാ കോവിലുകള് ഉണ്ട്.
ശിവടോല് എന്ന മുഖ്യക്ഷേത്രവും വിഷ്ണുടോല് , ദേവിടോല് എന്നിങ്ങനെയും. ആസ്സാമിന്റെ ഭരണാധികാരി ആയിരുന്ന സ്വര്ഗ്ഗദേവ് സിബസിങയുടെ രാജ്ഞി കുവോരി അംബിക 1734 ല് പണിതവയാണ് ഇവയെല്ലാം.
മണ്ണും ചെളിയും ഉപയോഗിച്ചുണ്ടാക്കിയ ആഴമുള്ള കിടങ്ങുകള് കായലിന് ചുറ്റുമുണ്ട്. സിബ്സാഗറില് മാത്രമല്ല മറിച്ച് നാട്മുഴുവന് പ്രസിദ്ധമാണ് ഈ കായല് . നാടിന്റെ നാനാകോണുകളില് നിന്ന് നൂറ് കണക്കിന് സഞ്ചാരികളാണ് ദിവസംതോറും ഈ കായല് സന്ദര്ശിക്കുന്നത്. ഇതിന്റെ കരയിലുള്ള ക്ഷേത്രങ്ങളാവട്ടെ ഒരുപാട് വിശ്വാസികളുടെ ആത്മീയസായൂജ്യവുമാണ്.
