ഉഖരുല് ജില്ലയില് നീണ്ട് പരന്ന് കിടക്കുന്ന മനോഹരമായ കുന്നിന്മേടാണിത്. സഞ്ചാരികള്ക്കെന്ന പോലെ നാട്ടുകാര്ക്കും പ്രിയങ്കരമാണ് ഈ സ്ഥലം. ശിറൂയി ലില്ലിപ്പൂക്കളാല് പ്രസിദ്ധമായ ശിറൂയി കൊടുമുടിയോട് ചേര്ന്നാണ് ഈ മനോജ്ഞ സമതലം.
വിപുലമായ സസ്യസമ്പത്ത് കൊണ്ട് ധന്യമാണ് സിഹായി ഫങ് രെ. വിരളമായ ഓര്ക്കിഡുകളും പഴവര്ഗ്ഗങ്ങളായ മുന്തിരി, പാഷന്ഫ്രൂട്ട്, ആപ്പിള് , പിയര് , പ്ലം, പീച്ച് എന്നിവ സമൃദ്ധമായി ഇവിടെ വിളഞ്ഞ് നില്ക്കുന്നത് കാണാം.
നിര്മ്മലമായ ഒരു ജലധാരയോട് ചേര്ന്ന് മനോഹരമായ ഒരു വെള്ളച്ചാട്ടം ഈ കുന്നിന്റെ ചാരുതയ്ക്ക് മോടിയേറ്റുന്നുണ്ട്. ലുങര് സിഹായി ഫങ് രെ യില് ചിലവഴിച്ച നിമിഷങ്ങള് സന്ദര്ശകരുടെ മനസ്സില് ചിരകാലം മായാതെ തങ്ങിനില്ക്കും. അതിന്റെ മത്ത് പിടിപ്പിക്കുന്ന സൌന്ദര്യം തന്നെ കാരണം. ഒരു ഗ്രാമസമുച്ചയത്തെ ഒന്നായി സൂചിപ്പിക്കുന്നതാണ് സിഹായി എന്ന പദം. സിഹായി ഖുലെന് , സിഹായി ഖുനൊ, സിഹായി കുഹോ ഫും എന്നിങ്ങനെ.