അപൂര്‍ണ്ണമായ അവസ്ഥയിലാണെങ്കില്‍ പോലും വളരെ മനോഹരമായ ഒരു നിര്‍മ്മിതിയാണ് ഈ ക്ഷേത്രം. ശിവനെ പ്രതിഷ്ഠിച്ചിരിക്കുന്ന ഈ ക്ഷേത്രത്തിലെ ശിവലിംഗം ഇന്ത്യയിലെ തന്നെ ഏറ്റവും വലിയ ശിവലിംഗങ്ങളിലൊന്നാണ്. ഒറ്റക്കല്ലില്‍ കൊത്തിയെടുത്ത ഇതിന് 7.5 അടി ഉയരവും, 17.8 അടി ചുറ്റളവുമുണ്ട്.

ഈ ശിവലിംഗത്തിന്‍റെ ശ്രദ്ധേയമായ സാന്നിധ്യത്താല്‍ ഇവിടം കിഴക്കിന്‍റെ സോമനാഥ് എന്ന് അറിയപ്പെടുന്നു. 11-13 നൂറ്റാണ്ടുകളിലെ വാസ്തുവിദ്യയുടെ തുല്യം നില്ക്കാനാവാത്ത പ്രൗഡിയുടെ സാക്ഷ്യമാണ് ഈ ക്ഷേത്രം. ഇത് പണി പൂര്‍ത്തിയായിരുന്നെങ്കില്‍ പുരാതന ഇന്ത്യയിലെ വാസ്തുകലയുടെ അത്ഭുതകരമായ തെളിവായി ഇവിടം നിലകൊണ്ടേനെ.

ക്ഷേത്രത്തിന്‍റെ കൊത്തുപണി ചെയ്ത മകുടവും, ശില്പങ്ങളും, കൊത്തുപണികളാല്‍ അലംകൃതമായ വാതിലുകളും, ഒരു കാഴ്ച തന്നെയാണ്. ക്ഷേത്രത്തിലെ ബാല്‍ക്കണി വന്‍ തൂണുകളാലും, കമാനങ്ങളാലും താങ്ങപ്പെടുന്നു. ഈ ക്ഷേത്രത്തിന് പുറം ഭിത്തി പണിതിട്ടില്ല. മകുടം വരെ ചരിഞ്ഞ രീതിയില്‍ പണിതിരിക്കുന്ന ഈ ക്ഷേത്രം പഴയകാല കല്പണിയുടെ കരുത്ത് വിളിച്ചറിയിക്കുന്നതാണ്.