ചോര്‍വാഡ് എന്നത് ഒരു ചെറിയ ഗ്രാമമാണ്. മത്സ്യബന്ധനം തൊഴിലാക്കിയവരാണ് ഈ ഗ്രാമത്തിലുള്ളത്. 1930 ല്‍ ജുനഗഢിലെ  നവാബായിരുന്ന മുഹമ്മദ് മഹാബത് ഖന്‍ജി 3 റസൂല്‍ ഖന്‍ജി ഒരു വേനല്‍കാല വസതി ഇവിടെ പണിതതതോടെയാണ് ഈ പ്രദേശം അറിയപ്പെട്ടുതുടങ്ങിയത്. ഇന്ത്യക്ക് സ്വാതന്ത്ര്യം ലഭിക്കുന്നത് വരെ ഇദ്ദേഹമായിരുന്നു ഇവിടം ഭരിച്ചിരുന്നത്. ഡാരിയ മഹല്‍ എന്ന് ഈ കൊട്ടാരം അറിയപ്പെടുന്നു.

ഇറ്റാലിയന്‍, മുസ്ലിം വാസ്തുശൈലികള്‍ യോജിപ്പിച്ചാണ് ഇതിന്‍റെ നിര്‍‌മ്മാണം. 1974 ല്‍ ഈ കൊട്ടാരം  ഗവണ്‍മെന്‍റ് ഏറ്റെടുക്കുകയും ഒരു റിസോര്‍ട്ടാക്കി മാറ്റുകയും ചെയ്തു. ഈ പ്രദേശത്തെ കടല്‍ത്തീരം പാറക്കെട്ടുകള്‍ നിറഞ്ഞതാണ്. അതുകൊണ്ടു തന്നെ ഇവിടം നീന്തലിന് അനുയോജ്യമല്ല. തൊട്ടടുത്തുള്ള ഗ്രാമങ്ങളില്‍ ചെന്നാല്‍ അവിടുത്തെ മത്സ്യ ബന്ധന ബോട്ടുകളില്‍ കടലില്‍ പോയി മീന്‍ പിടിക്കാന്‍ അവസരം കിട്ടും.

ഏറെ ആളുകള്‍ ആഴ്ചാവസാനം അവധി ആഘോഷിക്കാനായി ഇവിടെ എത്താറുണ്ട്.  ഈ പ്രദേശത്ത് നിന്ന് ഏതാനും കിലോമീറ്ററുകള്‍ യാത്ര ചെയ്താല്‍ ഗാന്ധിജിയുടെ ജന്മസ്ഥലത്തെത്താം.