Click it and Unblock the Notifications
ദിബ്രുഗഡിന്റെ സൗന്ദര്യത്തെ കുറിച്ച് വിവരിക്കാനാകില്ല. കാരണം അത് കണ്ടുതന്നെ അറിയണം. ഒരു വശത്ത് ബ്രഹ്മപുത്രാ നദിയും മറുവശത്ത് ഹിമാലയന് മലനിരകളും ദിബ്രുഗഡിന്റെ സൗന്ദര്യത്തിന് മാറ്റുകൂട്ടുന്നു. ആസ്സാമിലെ ഏറ്റവും മനോഹരമായ നഗരങ്ങളില് ഒന്നായ ദിബ്രുഗഡ് സഞ്ചാരികള്ക്കായി പലതും കരുതിവച്ചിട്ടുണ്ട്. ശാന്തസുന്ദരമായ അന്തരീക്ഷം, മനോഹരമായ പ്രകൃതി, ചരിത്ര സ്മാരകങ്ങള് എന്നിവ അവയില് ചിലതാണ്.
ദിബ്രുഗഡ് തേയില തോട്ടങ്ങളിലേക്ക് ഒരുയാത്ര
ആസ്സാമിലെ തേയില ലോകപ്രശസ്തമാണ്. ആസ്സാം തേയില എന്നാല് ദിബ്രുഗഡ്, ടിന്സൂകിയ, സിബ്സാഗര് എന്നീ നഗരങ്ങളാണ്. കാരണം ആസ്സാമിലെ ആകെ തേയില ഉത്പാദനത്തിന്റെ പകുതിയും ഈ മൂന്ന് നഗരങ്ങളുടെ സംഭാവനയാണ്. ഇവയില് ദിബ്രുഗഡ് ഇന്ത്യയുടെ തേയില നഗരം എന്ന് അറിയപ്പെടുന്നു. ബ്രിട്ടീഷ് ഭരണം കാലം മുതല് ടിബ്രുഗഢിലും സമീപ പ്രദേശങ്ങളിലും തേയില തോട്ടങ്ങളുണ്ട്. ഇവിടുത്തെ വിനോദസഞ്ചാരത്തിലും ഈ തോട്ടങ്ങള്ക്ക് വലിയ സ്ഥാനമാണുള്ളത്.
ബ്രഹ്മപുത്ര: അനുഗ്രഹവും അശാന്തിയും
ഇന്ത്യയിലെ ഏറ്റവും വലിയ നദികളുടെ കൂട്ടത്തിലാണ് ബ്രഹ്മപുത്രയുടെ സ്ഥാനം. എല്ലാ വര്ഷവും ബ്രഹ്മപുത്ര കരകവിഞ്ഞൊഴുകാറുണ്ട്. കലിപൂണ്ട ബ്രഹ്മപുത്ര തന്റെ വഴിയിലെ നഗരങ്ങളെയും കാടുകളെയും തൂത്തെറിയുന്നതും പതിവാണ്. ദിബ്രുഗഡും ബ്രഹ്മപുത്രയുടെ ഈ കലിയ്ക്ക് ഇരയാകാറുണ്ട്. ഇതൊക്കെയാണെങ്കിലും ദിബ്രുഗഡും ബ്രഹമപുത്രയും തമ്മില് അഭേദ്യമായ ബന്ധമാണുള്ളത്. കാരണം ഈ നഗരം അതിന്റെ വശ്യമനോഹാരിതയ്ക്ക് ബ്രഹ്മപുത്രയോട് കടപ്പെട്ടിരിക്കുന്നു.
ദിബ്രുഗഡ് സ്ത്രങ്ങളിലേക്ക് ഒരു ആത്മീയയാത്ര
ടിബ്രുഗഢിലെ വിനോദസഞ്ചാരത്തില് ഇവിടുത്തെ സത്രങ്ങള്ക്ക് (ആശ്രമങ്ങള്) വലിയ സ്ഥാനമാണുള്ളത്. അഹോം രാജാക്കന്മാരുടെ കാലത്ത് നിര്മ്മിച്ച സാമൂഹിക-സാംസ്കാരിക സ്ഥാപനങ്ങളാണ് സത്രങ്ങള്. ഇവയ്ക്ക് മതപരമായ പ്രാധാന്യവും ഉണ്ട്. ദിബ്രുഗഡ് സന്ദര്ശനം പൂര്ണ്ണമാകണമെങ്കില് ദിഞ്ജോയ് സത്രം, കോലി ആയ് താന്, ദെഹിംഗ് സത്രം എന്നിവ കൂടി സന്ദര്ശിച്ചിരിക്കണം. ആസ്സാമിലെ ഏറ്റവും പുരാതനമായ ആരാധനാ കേന്ദ്രങ്ങളില് ഒന്നാണ് കോലി ആയ് താന്. ദിഞ്ജോയ്, ദെഹിംഗ് സത്രങ്ങള്ക്കും വലിയ ചരിത്ര പ്രാധാന്യമാണുള്ളത്. ആസ്സാമിന്റെ സമ്പന്നമായ സാംസ്കാരിക പാരമ്പര്യത്തിന്റെ പ്രതീകങ്ങള് കൂടിയാണ് ഈ സ്ത്രങ്ങള്.
എങ്ങനെ എത്തിച്ചേരാം
വിമാനമാര്ഗ്ഗവും റെയില് മാര്ഗ്ഗവും റോഡ് മാര്ഗ്ഗവും അനായാസം ടിബ്രുഗഢില് എത്തിച്ചേരാനാകും. ഇന്ത്യയുടെ കിഴക്കേയറ്റത്ത് സ്ഥിതി ചെയ്യുന്ന സ്വന്തമായി റെയില്വെ സ്റ്റേഷനുള്ള നഗരം എന്ന പ്രത്യേകതയും ടിബ്രുഗഢിനുണ്ട്. ഇവിടെ വിമാനത്താളവും ഉണ്ട്.
കാലാവസ്ഥ
വര്ഷം മുഴുവന് സുഖകരമായ കാലാവസ്ഥയാണ് ടിബ്രുഗഢില് അനുഭവപ്പെടുന്നത്. അതുകൊണ്ട് തന്നെ എപ്പോള് വേണമെങ്കിലും ദിബ്രുഗഡ് സന്ദര്ശിക്കാവുന്നതാണ്.
