Click it and Unblock the Notifications
പര്വതങ്ങളുടെയും പര്വത നിരകളുടെയും നാട് എന്നാണ് ഗിരിധിഹ് എന്ന വാക്കിന് അര്ഥം. ജാര്ഖണ്ഡില് നോര്ത്ത് ചോട്ടാ നാഗ്പൂര് ഡിവിഷനില് സ്ഥിതി ചെയ്യുന്ന ഗിരിധിഹിന്െറ പ്രധാന വരുമാന സ്രോതസ് ഖനനമാണ്. വടക്കുഭാഗത്ത് ബീഹാറിലെ നവാദാ ജില്ലയും കിഴക്കുഭാഗത്ത് ദിയോഗര്, ജാംതാര ജില്ലകളും പടിഞ്ഞാറ് ഭാഗത്ത് ഹസാരിബാഗ് കോദര്മ ജില്ലകളും തെക്കുഭാഗത്ത് ബൊക്കാറോയുമാണ് ഗിരിധിഹിന് അതിരിടുന്നത്. 1972ലാണ് ഹസാരിബാഗ് ജില്ല വിഭജിച്ച് ഗിരിധിഹ് ജില്ല രൂപവത്കരിക്കുന്നത്. നേരത്തേ ബീഹാറിന്െറ ഭാഗമായിരുന്ന ജില്ല പിന്നീട് രൂപവത്കരിച്ച ജാര്ഖണ്ഡിന്െറ ഭാഗമാക്കുകയായിരുന്നു. റൂബിമൈക്കയുടെയും കല്ക്കരിയുടെയും വന് ശേഖരമാണ് ഇവിടെയുള്ളത്. ഇത് ഖനനം ചെയ്യുന്നതിനായി നിരവധി ഖനികളും ഇവിടെ പ്രവര്ത്തിക്കുന്നുണ്ട്.
4853.56 സ്ക്വയര് കിലോമീറ്റര് വിസ്തൃതിയുള്ള സ്ഥലത്തിന്െറ ഏറിയ കൂറും വനമാണ് എന്ന് തന്നെ പറയാം. സാല വൃക്ഷങ്ങളാണ് വനമേഖലയില് ഏറിയ കൂറും. ബാംബു, സെമാല്, മഹുവ,പലാഷ് മരങ്ങളും വനമേഖലയില് കണ്ടുവരുന്നുണ്ട്.
കാഴ്ചകള് വൈവിധ്യപൂര്ണം
ശ്രീ സമ്മേത ഷിക്കാര്ജി എന്നും പരാസ്നാഥ് ഹില് എന്നും അറിയപ്പെടുന്ന ജൈന തീര്ഥാടന കേന്ദ്രമാണ് ഗിരിധിഹിലെ പ്രധാന വിനോദ സഞ്ചാര കേന്ദ്രം. തീര്ഥാടനത്തിനായി എത്തുന്ന ജൈനമത വിശ്വാസികളെ കൂടാതെ നിരവധി സഞ്ചാരികളും ജൈനസംസ്കൃതിയെ അടുത്തറിയാന് പരാസ്നാഥ് മല കയറിയത്തൊറുണ്ട്. 20 മുതല് 24 വരെ ജൈന തീര്ഥങ്കരന്മാര് ഇവിടെ മോക്ഷം പ്രാപിച്ചതായാണ് വിശ്വാസം. ജാര്ഖണ്ഡിലെ ഏറ്റവും ഉയരം കൂടിയതും ഗ്രാനൈറ്റ് പാളികള് അടങ്ങിയതുമായ പര്വതവും ഇവിടെയാണ് സ്ഥിതി ചെയ്യുന്നത്.
ജില്ലയിലൂടെ ഒഴുകുന്ന രണ്ട് നദികളാണ് ബറാകാറും സക്രിയും. ഉസ്രി വെള്ളച്ചാട്ടമാണ് മറ്റൊരു കാഴ്ച. ഗിരിധിഹില് നിന്ന് 13 കിലോമീറ്റര് അകലെയുള്ള ഇവിടെ 40 അടി ഉയരത്തില് കുത്തനെ പതിക്കുന്ന ജലപാതത്തിന്െറ കാഴ്ച അതിമനോഹരമാണ്. ഗിരിധിഹിന്െറ ജലസംഭരണിയാണ് ഖണ്ഡോലി അണക്കെട്ട്. പക്ഷി നിരീക്ഷകര്ക്ക് പുറമെ ബോട്ടിംഗിലും സാഹസിക കായിക വിനോദങ്ങളായ റോക്ക് കൈ്ളമ്പിംഗിലും പാരാ സെയിലിംഗിലും കയാക്കിംഗിലുമൊക്കെ താല്പര്യമുള്ളവര്ക്ക് അണക്കെട്ടിലും പരിസരത്തും അവസരം ഒരുക്കിയിട്ടുണ്ട്. ആനപ്പുറത്തും ഒട്ടകപ്പുറത്തും സഞ്ചാരം ആഗ്രഹിക്കുന്നവരെയും ഖണ്ഡോലി അണക്കെട്ട് നിരാശരാക്കില്ല. ഇന്ത്യയിലെ തന്നെ ഏറ്റവും വലിയ ശിവലിംഗ പ്രതിഷ്ഠയുള്ള ഹരിഹര്ധാം ഹൈന്ദവവിശ്വാസികളുടെ പുണ്യകേന്ദ്രമാണ്. ദുഖിയ മഹാദേവ ക്ഷേത്രവും ജാര്ഖണ്ഡ് ധാമുമാണ് മറ്റ് ഹൈന്ദവ പുണ്യകേന്ദ്രങ്ങള്. ഗിരിധിഹില് നിന്ന് 15 കിലോമീറ്റര് അകലെ സ്ഥിതി ചെയ്യുന്ന ജമുവ ആകട്ടെ പ്രകൃതി ഭംഗിയാലും പച്ചപ്പിനാലും അനുഗ്രഹീതമായ നാടാണ്.
