Click it and Unblock the Notifications
ബീഹാറിലെ വൈശാലി ജില്ലയുടെ മുഖ്യ ആസ്ഥാനമായ ഹാജിപൂര് പഴങ്ങള്ക്ക് പേരുകേട്ട ഇടമാണ്. ബീഹാറിലെ വികസിതമായ നഗരങ്ങളിലൊന്നാണ് ഹാജിപൂര്. വിനോദയാത്രികരുടെ ഭൂപടത്തില് മുഖ്യ സ്ഥാനത്തുളള നഗരങ്ങളിലൊന്ന് കൂടിയാണ് ഇത്. ആധുനിക റെയില്വേ സോണല് ഓഫീസും നഗരത്തിലുണ്ട്. തെക്ക് ഭാഗത്ത് ഗംഗാനദിയും പടിഞ്ഞാറ് ഭാഗത്തായി നാരായണിപ്പുഴയും ഗന്ധക് നദിയും ചേര്ന്ന് നഗരത്തിന് മാറ്റ് കൂട്ടുന്നു. ലിച്ചീസ്, നേന്ത്രപ്പഴം എന്നിവയും ഇവിടെ ധാരാളമായി കൃഷി ചെയ്യുന്നു. ബംഗാളിലെ രാജാവായിരുന്ന ഹാജി ഇല്യാസ് ഷായാണ് നഗരം നിര്മ്മിച്ചത്. പുരാതന കാലത്ത് നഗരം ഉക്കാകാല എന്ന പേരിലാണ് അറിയപ്പെട്ടിരുന്നതെന്നാണ് കരുതുന്നത്.
ഹാജിപ്പൂരിന് സമീപത്തെ വിനോദകേന്ദ്രങ്ങള്
ഉജ്വലമായ ക്ഷേത്രങ്ങളാണ് ഇവിടത്തെ ഏറ്റവും വലിയ പ്രത്യേകത. രാംചൗറ മന്ദിര്, കൗന് ഹാര ഘട്ട്, നേപ്പാളി മന്ദിര്, മഹാത്മഗാന്ധി സേതു, ഹേലബസാറിലെ ശ്രീ മഹാ പ്രഭുജിസ് ബൈതാക്ജി, സോനേപൂര് മേള, വൈശാലി മഹോല്സവം എന്നിവയാണ് ഹാജിപ്പൂരിലെ മുഖ്യ ആകര്ഷണങ്ങള്.
എങ്ങനെയെത്താം
പ്രധാനമൂന്ന് മാര്ഗങ്ങള് കൂടാതെ നാലാമതൊരു സഞ്ചാരമാര്ഗം കൂടിയുണ്ട് ഇവിടെ എത്തിപ്പെടാന് എന്നുള്ളതാണ് എടുത്തുപറയാവുന്ന മറ്റൊരു സവിശേഷത. ഈസ്റ്റ് സെന്ട്രല് റെയില്വേസോണിന്റെ ആസ്ഥാനം തന്നെ ഇവിടെയാണ്. അത് പോലെ പാട്ന എയര്പോര്ട്ടില് നിന്ന് റോഡ് മാര്ഗം എളുപ്പം ഇവിടെയെത്താം. ജലഗതാഗതമാര്ഗമാണ് ഇവിടത്തെ വേറിട്ട പ്രത്യേകത. ദേശീയ സംസ്ഥാന പാതകളിലൂടെ രാജ്യത്തെ മറ്റ് പ്രധാപ്പെട്ട സ്ഥലങ്ങളുമായെല്ലാം നല്ലവണ്ണം നഗരം ബന്ധിപ്പിക്കപ്പെട്ടിരിക്കുന്നു. പാട്ന, സോണെപൂര് പോലുള്ള നഗരങ്ങളിലേക്കെത്താന് നദിക്ക് കുറുകെ പണിതിരിക്കുന്ന പാലങ്ങളും ഹാജിപൂരിലുണ്ട്.
