Click it and Unblock the Notifications
മഹാഭാരതത്തിലെ ധീര യോദ്ധാവായ കര്‍ണന്റെ പേരില്‍ അറിയപ്പെടുന്ന കര്‍ണ തടാകം കര്‍നാലിലെ പ്രധാന നഗരത്തില്‍ നിന്നും 13-15 മിനുട്ട്‌ യാത്ര ചെയ്‌താല്‍ എത്താവുന്ന ദൂരത്താണ്‌. കര്‍ണന്‍ സ്ഥിരമായി കുളിക്കാനെത്തിയിരുന്ന കുളമായിരുന്നു ഇതെന്നാണ്‌ പുരാണങ്ങളില്‍ പറയുന്നത്‌. ബദ്ധ ശത്രുവായ അര്‍ജുനന്റെ പിതാവായ ഇന്ദ്രന്‌ തന്റെ രക്ഷാ കവചമായ പടച്ചട്ട കര്‍ണന്‍ ദാനം ചെയ്‌തതും ഈ തടാകത്തിന്റെ തീരത്തു വെച്ചാണന്നാണ്‌ പറയുന്നത്‌.
കര്‍നാലിലെ മാത്രമല്ല ഹരിയാനയിലെയും പ്രശസ്‌തമായ വിനോദ സഞ്ചാര കേന്ദ്രമാണ്‌ ഈ തടാകം. ഗ്രാന്‍ഡ്‌ ട്രങ്ക്‌ റോഡിലെ ദേശീയ പാത 1ന്റെ അരികിലായാണ്‌ ഈ തടാകം സ്ഥിതി ചെയ്യുന്നത്‌ . അതിനാല്‍ ഇതു വഴി കടന്നു പോകുന്ന വാഹനങ്ങളെ ഇവിടേയ്‌ക്ക്‌ ആകര്‍ഷിക്കാന്‍ കഴിയും. അതിനാല്‍ എല്ലാ സമയത്തും ഇവിടെ ആള്‍തിരക്ക്‌ ഉണ്ടാകാറുണ്ട്‌.
ചുറ്റും മരങ്ങളുള്ള തടാകത്തിന്‌ സമീപത്ത്‌ നിരവധി മികച്ച ഭക്ഷണശാലകള്‍ ഉണ്ട്‌. മനോഹരമായ ഈ സ്ഥലത്ത്‌ പച്ച പുല്‍ത്തകിടികളും ഒരുക്കിയിട്ടുണ്ട്‌. പിക്‌നിക്കിനും പാര്‍ട്ടികള്‍ക്കുമായി അതിനാല്‍ ഈ സ്ഥലം തിരഞ്ഞെടുക്കുന്നവര്‍ ഏറെയാണ്‌.
